Yashodha Movie | గ‌ర్భిణీగా స‌మంత‌.. ఉత్కంఠ భ‌రితంగా ‘య‌శోద’ టీజ‌ర్‌..!

September 9, 2022 / 12:33 PM IST

Yashodha Movie Teaser | నాగచైత‌న్య‌తో విడాకుల త‌ర్వాత స‌మంత సినిమాల వేగాన్నిపెంచింది. వ‌రుసగా సినిమాల‌ను చేస్తూ బిజీ బిజీగా గ‌డుపుతుంది. ‘ఏమాయ చేశావే’ సినిమాతో ప్రేక్ష‌కుల‌ను మాయ చేసిన ఈ బ్యూటీ ప్ర‌స్తుతం చేతి నిండా ప్రాజెక్ట్‌ల‌తో బిజీగా ఉంది. ఇటీవ‌లే ఈమె న‌టించిన ‘క‌తు వాకుల రెండు కాద‌ల్’ చిత్రం విడుద‌లై మంచి విజ‌యం సాధించింది. ప్ర‌స్తుతం ఈమె తెలుగులో మూడు సినిమాల‌లో న‌టిస్తుంది. అందులో ‘య‌శోద’ ఒక‌టి. హ‌రీష్ శంక‌ర్‌, హ‌రీష్ నారాయ‌ణ్ ద‌ర్శ‌క‌త్వం వ‌హిస్తున్న ఈ చిత్రం విడుద‌ల‌కు సిద్ధంగా ఉంది. ఇప్ప‌టికే చిత్రం నుండి విడుద‌లైన గ్లింప్స్ ప్రేక్ష‌కుల‌ను విప‌రీతంగా ఆక‌ట్టుకోగా.. తాజాగా మేక‌ర్స్ ఈ మూవీ టీజ‌ర్‌ను విడుద‌ల చేశారు.

లేటెస్ట్‌గా విడుద‌లైన టీజ‌ర్ ఆధ్యంతం ఆక‌ట్టుకుంటుంది. టీజ‌ర్‌ను గ‌మినిస్తే స‌మంత ప్రెగ్నెంట్ అని, మొద‌టి మూడు నెల‌లు జాగ్ర‌త్త‌గా ఉండాలి అని డాక్ట‌ర్ చెబుతుంది. న‌డిచేట‌ప్పుడు జాగ్రత్త‌గా ఉండ‌మ‌ని, బ‌రువులు ఎత్త‌కూడద‌ని, ఏ ప‌ని చేసిన దెబ్బ త‌గ‌ల‌కుండా చూసుకోవాల‌ని, ఎప్పుడు సంతోషంగా న‌వ్వుతూ ఉండాల‌ని స‌ల‌హాలు చెబుతుంది. అయితే డాక్ట‌ర్ చెప్పిన స‌ల‌హాల‌కు పూర్తి భిన్నంగా స‌మంతను టీజ‌ర్‌లో చూపించారు. అడ‌విలో వేగంగా ప‌రిగెత్త‌డం, బ‌రువులు ఎత్తడం, ఎవ‌రితోనే ఫైట్ చేస్తూ దెబ్బ‌లు తిన‌డం, భ‌య‌ప‌డ‌టం వంటివి చేస్తున్న‌ట్లు చూపించారు. ఇక స‌మంత న‌ట‌న వేరే లెవల్లో ఉంది. అంతేకాకుండా స‌మంత కెరీర్‌లోనే ఛాలెంజింగ్ రోల్ ఇదేన‌ని తెలుస్తుంది. సుకుమార్ కెమెరా విజువ‌ల్స్ థ్రిల్ ఫీల్‌ను క‌లిగిస్తున్నాయి. మ‌ణిశ‌ర్మ బ్యాక్‌గ్రౌండ్ స్కోర్ ఆక‌ట్టుకుంటుంది.

ఈ చిత్రంలో వ‌ర‌ల‌క్ష్మీ శ‌ర‌త్‌కుమార్, ఉన్నీ ముకుంద‌న్ కీల‌క‌పాత్ర‌ల్లో న‌టిస్తున్నారు. మెలోడీ బ్ర‌హ్మ మ‌ణిశ‌ర్మ సంగీతం అందిస్తున్న ఈ చిత్రాన్ని శ్రీదేవీ మూవీస్ ప‌తాకంపై శివ‌లెంక కృష్ణ ప్ర‌సాద్ నిర్మిస్తున్నాడు. సైన్స్ ఫిక్ష‌న్ థ్రిల్ల‌ర్ నేప‌థ్యంలో తెర‌కెక్కుతున్న ఈ చిత్రాన్ని పాన్ ఇండియా లెవ‌ల్లో తెలుగుతో పాటు హిందీ, త‌మిళ్, క‌న్న‌డ‌, మ‌ల‌యాళం భాష‌ల్లో విడుద‌ల చేయాల‌ని చిత్ర బృందం భావిస్తుంది. అయితే ఈ చిత్రం ఆగ‌స్టు 12నే విడుద‌ల కావాల్సి ఉంది. కానీ ప‌లు కార‌ణాల వ‌ల్ల పోస్ట్ పోన్ అయింది.