Oo Antava OoOo Antava | జిగేల్ రాణిని బీట్ చేసేలా పుష్ప‌లో స‌మంత ఐటెం సాంగ్‌

January 8, 2022 / 08:51 AM IST

By Maduri Mattaiah

Samantha special song in pushpa Oo Antava OoOo Antava| అందరూ ఎంతో ఆసక్తిగా ఎదురుచూస్తున్న ‘పుష్ప’ చిత్రంలో సమంత నర్తించిన ఐటెమ్‌సాంగ్‌ ‘ఊ అంటావా మామ.. ఊఊ.. అంటావా మామ ’ అనే ప్రత్యేక గీతం లిరికల్‌ వీడియో విడుదలైంది. గేయ రచయిత చంద్రబోస్‌ రచించిన ఈ పాటలో సమంత హాట్‌ హాట్‌గా కనిపించనుంది. సమాజంలోని ఓ అంశాన్ని కథగా మలిచి రాసిన ఈ పాట సాహిత్యం కూడా ఆకట్టుకునే విధంగా వుంది. అమ్మాయిల విషయంలో మగాళ్ల వంకర బుద్ది గురించి కొనసాగే ఈ పాటలో సమంత అందం, అభినయం, నాట్యకౌశలం చక్కగా కుదిరాయి. గతంలో సుకుమార్‌ ఐటెమ్‌సాంగ్స్‌ ‘జిగేల్‌ రాణి’, ‘డియ్యాలో డియ్యాలో’, రింగ రింగ’ తరహాలో ఈ ప్రత్యేక గీతం కూడా శ్రోతల ఆదరణ పొందుతుందనే నమ్మకం వుందని చిత్ర యూనిట్‌ చెబుతుంది. ఈ పాటను ప్రముఖ గాయనీ మంగ్లీ సోదరి ఇంద్రవత్‌ చౌహాన్‌ ఆలపించడం విశేషం. ఈ పాట పుష్ప చిత్రానికి ప్రత్యేక ఆకర్షణగా నిలవనుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి