Visit:
Samantha – Raj | అక్కినేని నాగచైతన్యతో విడాకుల తర్వాత సమంత రూత్ ప్రభు కెరీర్‌పైనే ఎక్కువ‌గా ఫోక‌స్ చేస్తుంది. నటిగా మాత్రమే కాకుండా, ఇటీవల నిర్మాతగా ‘శుభం’ అనే చిత్రాన్ని నిర్మించి మంచి హిట్ అందుకుంది. వెబ్ సిరీస్‌లు, ఇత‌ర ప్రాజెక్టులతో అభిమానులని ప‌ల‌క‌రిస్తూ తెగ సంద‌డి చేస్తుంది. అయితే సమంత న‌టించిన ‘శాకుంతలం’, ‘ఖుషి’ వంటి సినిమాలు ఆశించిన స్థాయిలో ఆకట్టుకోకపోవడంతో సినిమాలకు స్వల్ప విరామం తీసుకున్నారు సమంత. ప్రస్తుతం ఆమె “మా ఇంటి బంగారం” అనే చిత్రంతో పాటు, ‘రక్త బ్రహ్మాండ్: ది బ్లడీ కింగ్‌డమ్’ అనే వెబ్ సిరీస్‌లో నటిస్తున్నారు. ఈ సిరీస్‌ను రాజ్ & డీకేలు తెరకెక్కిస్తుండగా, ఆదిత్య రాయ్ కపూర్, వామికా గబ్బీ వంటి ప్రముఖులు ఇందులో కీలక పాత్రల్లో నటిస్తున్నారు.
ఇటీవల ఈ సిరీస్ నిలిచిపోయిందని వచ్చిన పుకార్లపై దర్శకులు క్లారిటీ ఇచ్చారు .. షెడ్యూల్ ప్రకారమే షూటింగ్ జరుగుతోంది అని స్పష్టం చేశారు. సినిమాలకు బ్రేక్ ఇచ్చినా, సమంత సోషల్ మీడియాలో మాత్రం యాక్టివ్‌గా ఉంటున్నారు. ఫిట్నెస్, ఫ్రెండ్‌షిప్స్, వ్యక్తిగత జీవితం వంటి విషయాల్లో అభిమానులతో తెగ మమేకమవుతున్నారు. ఇటీవల కీర్తి సురేష్‌తో కలిసి షేర్ చేసిన ఫోటోలు వైరల్ అయ్యాయి. ఇక ముంబైలో ఫోటోగ్రాఫర్స్ వ‌ల‌న సమంత కాస్త అసౌక‌ర్యానికి గురి కాగా, అందుకు సంబంధించిన వీడియో కూడా నెట్టింట వైర‌ల్‌గా మారింది.
ఇక ఇదిలా ఉంటే సమంత-రాజ్ నిడిమోరు జంట గత కొంతకాలంగా ఇంటర్నెట్‌లో హాట్ టాపిక్ అవుతుంది. ఈ మ‌ధ్య రాజ్‌తో సమంత సన్నిహితంగా కనిపించడం, తిరుమల, శ్రీకాళహస్తి ఆలయాలకు కలసి వెళ్లడం, ‘శుభం’ సక్సెస్ సెలబ్రేషన్‌లో కలిసి హాజరవడం వంటి అంశాలపై సోషల్ మీడియాలో తెగ చ‌ర్చ న‌డుస్తుంది. ఈ నేప‌థ్యంలో తాజాగా సమంత చేసిన పోస్ట్ హాట్ టాపిక్‌గా మారింది. ఓ ఫొటోలో సమంత భుజంపై అత‌ను చేయి వేసి న‌డుస్తుండ‌గా, మరో ఫొటోలో ఇద్ద‌రు ప‌క్క‌ప‌క్క‌న కూర్చొని చాలా హ్యాపీ మూడ్‌లో ఉన్నారు. వీరిద్ద‌రిని ఇలా చూసిన నెటిజ‌న్స్ వారికి కంగ్రాట్స్ చెబుతున్నారు. చూస్తుంటే త్వ‌ర‌లో వారు గుడ్ న్యూస్ చెప్పేలా ఉన్నారుగా అంటూ కొంద‌రు కామెంట్స్ పెడుతున్నారు.
View this post on Instagram
