బ్యాక్ టు బ్యాక్ సినిమాలతో బిజీగా ఉంది స్టార్ హీరోయిన్ సమంత (Samantha). ఈ బ్యూటీ చేతిలో ప్రస్తుతం శాకుంతలం (Shakunthalam) ప్రాజెక్టు ఉండగా..ఈ మూవీ షూటింగ్ పూర్తయింది. మరోవైపు ఫీ మేల్ సెంట్రిక్ మూవీ యశోద (Yashoda)లో కీలక పాత్రలో నటిస్తోంది సామ్. దీంతోపాటు హిందీలో వరుణ్ ధావన్తో కలిసి ఓ వెబ్ సిరీస్ చేస్తోంది. అయితే సామ్కు సంబంధించిన ఓ వార్త ఇపుడు నెట్టింట్లో హల్ చల్ చేస్తోంది. హిందీ (Hindi films)లో ఈ భామకు వరుస ఆఫర్లు వస్తుండగా..సామ్ వాటిని తిరస్కరిస్తూ వస్తోందట.
ఇంతకీ హిందీలో మంచి ఫేం సంపాదించాలని ఫిక్సయిన సామ్కు మరి ఆఫర్లు వస్తున్నా ఎందుకు నో చెప్తుందనే కదా మీ డౌటు. ఈ భామకు రెండో ఫీ మేల్ లీడ్ రోల్ కానీ లేదా నటనకు అంత ఆస్కారం లేని పాత్రలు వస్తుండటమే ఇందుకు కారణమట. సమంత భారీ కమర్షియల్ సినిమాల్లో అయితేనే నటించేందుకు రెడీగా ఉందని బీటౌన్ సర్కిల్ టాక్ నడుస్తోంది. అంతేకాదు ఈ చెన్నై సుందరి త్వరలోనే బాలీవుడ్ డెబ్యూ సినిమాకు సంబంధించిన పెద్ద ప్రకటనే చేయబోతుందన్న వార్త ఇపుడు టాక్ ఆఫ్ ది టౌన్గా మారింది.
సామ్ ప్రస్తుతం శివశిర్వాణ-విజయ్ దేవరకొండ కాంబినేషన్లో వస్తున్న రొమాంటిక్ లవ్ ఎంటర్టైనర్లో నటిస్తోంది. ఈ మూవీ షూటింగ్ ఎక్కువభాగం కశ్మీర్లో జరుగనుంది. ఖుషి టైటిల్ను ఫిక్స్ చేయగా..ఇప్పటికే విడుదలైన ఫస్ట్ లుక్ సినిమాపై క్యూరియాసిటీని పెంచుతోంది.