Salaar glimps | పాన్ ఇండియా స్టార్ ప్రభాస్ ప్రస్తుతం వరుసగా సినిమాలను చేస్తూ తీరిక లేకుండా గడుపుతున్నాడు. ఇటీవలే ప్రభాస్ ‘రాధేశ్యామ్’తో ప్రేక్షకుల ముందుకు వచ్చాడు. నాలుగేళ్ళ తర్వాత ప్రభాస్ను వెండితెరపై చూడబోతున్నాం అనే ఆశతో వచ్చిన అభిమానులకు ఈ చిత్రం తీవ్ర నిరాశను మిగిల్చింది. ఇమేజ్కు భిన్నంగా ప్రభాస్ ఈ చిత్రంలో లవర్బాయ్గా నటించాడు. ప్రేక్షకులే కాదు డార్లింగ్ అభిమానులు కూడా ప్రభాస్ను లవర్బాయ్ పాత్రలో ఊహించలేకపోయారు. ఇటీవలే అమేజాన్ ప్రైమ్లో విడుదలైన ఈ చిత్రం ఓటీటీలో కూడా అంతగా వ్యూస్ను సాధించలేకపోతుంది. ప్రస్తుతం ప్రభాస్తో పాటు అభిమానులు కూడా ప్రభాస్ నెక్ట్స్ సినిమా కోసం ఎంతగానో ఎదురుచూస్తున్నారు. ఈ క్రమంలో ప్రభాస్ చిత్రానికి సంబంధించిన ఓ వార్త నెట్టింట వైరల్గా మారింది.
ప్రభాస్ ప్రస్తుతం నాలుగు సినిమాలను లైన్లో పెట్టాడు. అందులో సలార్ ఒకటి. ప్రశాంత్ నీల్ తెరకెక్కిస్తున్న ఈ చిత్రంపై ప్రేక్షకులలో భారీ అంచనాలు నెలకొన్నాయి. ఇదివరకే విడుదలైన ప్రభాస్ లుక్స్ రెట్టింపు అంచనాలు నమోదు చేశాయి.ప్రస్తుతం ఈ చిత్రం చిత్రీకరణ జరుపకుంటుంది. అయితే తాజాగా అందుతున్న సమాచారం ప్రకారం సలార్ గ్లింప్స్ను ‘కేజీఎఫ్ చాప్టర్-2’ తో జత చేయనున్నట్లు తెలుస్తుంది. ‘కేజీఎఫ్ చాప్టర్-2’ ఏప్రిల్14న ప్రపంచ వ్యాప్తంగా విడుదల కానుంది. ఈ క్రమంలో ఈ చిత్ర ఇంటర్వెల్లో భాగంగా ‘సలార్’ గ్లింప్స్ను విడుదల చేయాలని మేకర్స్ సన్నాహాలు చేస్తున్నారట. ప్రభాస్కు ఉన్న ఇమేజ్తో సలార్ గ్లింప్స్ కేజీఎఫ్తో జత చేస్తే ఎక్కువ సంఖ్యలో బుకింగ్స్ జరుగుతాయని మేకర్స్ భావిస్తున్నారట. ఇందులో నిజమెంతుందో తెలియాలంటే ఏప్రిల్ 14వరకు ఆగాల్సిందే.
Read Also:
K.G.F Chapter-2 | నైజాంలో భారీ ధర పలికిన ‘కేజీఎఫ్-2’ థియేట్రికల్ హక్కులు
Gopichand | తమిళ దర్శకుడితో చర్చలు జరుపుతున్న గోపిచంద్?
Ghani | భారీగా ‘గని’ బిజినెస్.. హిట్టు కోసం రాబట్టాల్సింది ఎంతంటే?
Telugu movies | ఈ వారం థియేటర్/ఓటీటీలో సందడి చేయబోయే తెలుగు సినిమాలు ఇవే!