Gopichand | యాక్షన్ హీరో గోపిచంద్ ప్రస్తుతం వరుసగా సినిమాలను చేస్తున్నాడు. గతేడాది ‘సీటీమార్’ సినిమాతో గోపిచంద్ తిరిగి ట్రాక్లోకి వచ్చాడు. ప్రస్తుతం ఈయన నటించిన ‘పక్కాకమర్షియల్’ షూటింగ్ పూర్తి చేసుకొని పోస్ట్ ప్రొడక్షన్ పనులలో బిజీగా ఉంది. మారుతి దర్శకత్వంలో వహించిన ఈ చిత్రంలో రాశిఖన్నా హీరోయిన్గా నటించింది. ఇప్పటికే చిత్రం నుంచి విడుదలైన ప్రచార చిత్రాలు, టీజర్ గ్లింప్స్ ప్రేక్షకులలో భారీ అంచనాలు నమోదయ్యాయి. బన్నీ వాసు నిర్మించిన ఈ చిత్రం జూన్ 1న విడుదల కానున్నట్లు మేకర్స్ ఇదివరకే ప్రకటించారు.
గోపిచంద్ ప్రస్తుతం శ్రీవాస్ దర్శకత్వంలో ఓ సినిమా చేస్తున్నాడు. గతంలో వీళ్ళ కాంబోలో తెరకెక్కిన ‘లక్ష్యం’, ‘లౌక్యం’ చిత్రాలు బ్లాక్ బాస్టర్ విజయాలను సాధించాయి. ఈ సారి ఎలాగైనా హ్యట్రిక్ సాధించాలని ఈ దర్శక హీరోలు కసిగా ఉన్నారట. ఈ చిత్రం సెట్స్ పైన ఉండగానే గోపిచంద్ మరో కథను ఓకే చెయ్యడానికి సిద్ధంమైనట్లు టాలీవుడ్ వర్గాల్లో సమాచారం. ‘సింగం’ సిరీస్ను తెరకెక్కించిన తమిళ దర్శకుడు హరి గోపిచంద్తో ఓ భారీ యాక్షన్ సినిమాను చేయాలని భావిస్తున్నాడట. దానికోసం గోపిచంద్ను హరి సంప్రదించారట. ప్రస్తుతం ఈ కథపై చర్చలు జరుగుతున్నాయని సమాచారం. త్వరలోనే దీనిపై క్లారిటీ వచ్చే అవకాశం ఉంది.
Read Also:
Ghani | భారీగా ‘గని’ బిజినెస్.. హిట్టు కోసం రాబట్టాల్సింది ఎంతంటే?
Telugu movies | ఈ వారం థియేటర్/ఓటీటీలో సందడి చేయబోయే తెలుగు సినిమాలు ఇవే!
RamaRao On Duty | ‘రామారావు ఆన్ డ్యూటీ’ నుంచి బిగ్ అప్డేట్