K.G.F Chapter-2 | కన్నడ సినిమాను అంతర్జాతీయ స్థాయికి తీసుకెళ్లిన చిత్రం ‘కేజీఎఫ్’. అప్పటివరకు కన్నడ సినిమాలను ఇతర ఇండస్ట్రీ వాళ్ళు అంతగా పట్టించుకునే వారు కాదు. ఆ సమయంలో కేజీఎఫ్ చిత్రం ప్రభంజనం సృష్టించింది. ఎలాంటి అంచనాల్లేకుండా ప్రేక్షకుల ముందుకు వచ్చిన ఈ చిత్రం విడుదలైన ప్రతి ఏరియాలో వసూళ్ళ సునామీని సృష్టించింది. ‘బాహుబలి’ తర్వాత ఆ స్థాయిలో ‘కేజీఎఫ్’ చిత్రం బాలీవుడ్లో జెండా పాతింది. అప్పటివరకు ఇండియన్ సినిమాలో అలాంటి ఎలివేషన్లు ఎక్కడా చూడలేదు. ప్రశాంత్ నీల్ టేకింగ్కు, విజన్కు సినీప్రముఖులు సైతం అశ్చర్యంలో పడ్డారు. అప్పటివరకు అసలు మొహం కూడా తెలియని యష్ ఈ చిత్రంతో పాన్ ఇండియా స్టార్గా ఎదిగాడు. ఈ చిత్రంలో యష్ నటన, డైలాగ్ డెలివరీకి ప్రేక్షకులు బ్రహ్మరథం పట్టారు.
‘కేజీఎఫ్’ సీక్వెల్ కోసం కన్నడతో పాటు ప్రతి సినీ ప్రేక్షకుడు ఎంతగానో ఎదురు చూస్తున్నారు. పీరియాడిక్ యాక్షన్ సినిమాగా తెరకెక్కిన ‘కేజీఎఫ్ చాప్టర్-2’ ఏప్రిల్ 14న ప్రేక్షకులు ముందుకు రానుంది. ఈ క్రమంలో ప్రతి ఏరియాలో ఈ చిత్ర బిజినెస్ భారీ స్థాయిలో జరుగుతుంది.ఈ క్రమంలోనే ఈ చిత్ర నైజాం హక్కులు 50కోట్లకు అమ్యుడయ్యాయట. ఒక డబ్బింగ్ చిత్రానికి ఈ స్థాయిలో బిజినెస్ జరగడమనేది విశేషం అనే చెప్పాలి. కేజిఎఫ్ చాప్టర్-1 రూ.5 కోట్ల బ్రేక్ఈవెన్తో వచ్చి రూ.12.30 కోట్ల కలెక్షన్లను సాధించి డబుల్ బ్లాక్ బస్టర్గా నిలిచింది.హోంబలే సంస్థ నిర్మించిన ఈ చిత్రంలో శ్రీనిధి శెట్టి హీరోయిన్గా నటించింది. ఇప్పటికే చాప్టర్-2 నుంచి విడుదలైన టీజర్, ట్రైలర్ రికార్డు స్థాయిలో వ్యూస్ను సాధించాయి. తాజాగా ఈ చిత్రం నుంచి విడుదలైన ఎదగరా ఎదగరా సాంగ్కు విశేష స్పందన వచ్చింది.
Read Also:
Gopichand | తమిళ దర్శకుడితో చర్చలు జరుపుతున్న గోపిచంద్?
Ghani | భారీగా ‘గని’ బిజినెస్.. హిట్టు కోసం రాబట్టాల్సింది ఎంతంటే?
Telugu movies | ఈ వారం థియేటర్/ఓటీటీలో సందడి చేయబోయే తెలుగు సినిమాలు ఇవే!