Book My Show | పాన్ ఇండియా స్టార్ ప్రభాస్, కేజీఎఫ్ ఫేమ్ డైరెక్టర్ ప్రశాంత్ నీల్ కాంబోలో వస్తున్న తాజా చిత్రం ‘సలార్ పార్ట్ 1 సీజ్ ఫైర్’(Salaar – Part 1 Cease Fire). ఈ చిత్రం ప్రపంచవ్యాప్తంగా డిసెంబర్ 22న విడుదల కానుంది. ఈ చిత్రంలో ప్రభాస్ సరసన కోలీవుడ్ బ్యూటీ శ్రుతి హాసన్ నటిస్తుంది. ఇక సలార్ విడుదలకు ఇంకా కొన్ని గంటలే మిగిలి ఉండడంతో చిత్రబృందం అడ్వాన్స్ బుకింగ్స్ విడుదల చేసిన విషయం తెలిసిందే. ఇక తెలుగు రాష్ట్రాల్లో ఈ సినిమాను మైత్రీ మూవీ మేకర్స్ డిస్ట్రిబ్యూట్ చేస్తుండగా.. సలార్ అడ్వాన్స్ బుకింగ్స్ మంగళవారం రాత్రి ప్రారంభమయ్యాయి.
అయితే ఈ బుకింగ్స్ మొదలైన కాసేపటికే బుక్ మై షో(Book My Show) వెబ్సైట్ క్రాష్ అయ్యింది. ఒక్కసారిగా లక్షలాది మంది ఫ్యాన్స్ బుక్ మై షో వెబ్సైట్ ఓపెన్ చేయడంతో ఈ వెబ్సైట్ కాసేపు పని చేయలేదు. అయితే ఈ క్రాష్ అయిన ఫోటోలను నెటిజన్లు స్క్రీన్ షాట్స్ తీసి సామజిక మాధ్యమాలలో పోస్ట్ చేశారు. ఇక ఈ లిస్ట్లో బాహుబలి చిత్ర నిర్మాత శోభు యార్లగడ్డ కూడా ఉండడం విశేషం.
#Salaar effect ! #Prabhas !!👍 pic.twitter.com/v3WyFTuThH
— Shobu Yarlagadda (@Shobu_) December 19, 2023
There was no hype about #Salaar and neither were the tickets being sold,
so the poor people had to advertise on #BookMyShow.
Salwaar to gayo 😂😂#DunkiFirstDayFirstShow #DunkiAdvanceBookings pic.twitter.com/99jLa5QkNl
— RAEES AZAD4 (@RaeesAzad4) December 18, 2023
ఇద్దరు ప్రాణ స్నేహితులు దేవ (ప్రభాస్), వరద (పృథ్విరాజ్ సుకుమారన్) బద్ధ శత్రువులుగా మారే కథాంశంతో ఈ సినిమా తెరకెక్కుతుండగా.. పృథ్విరాజ్ సుకుమారన్, బాబీ సింహా, జగపతిబాబు, టిన్నూ ఆనంద్, ఈశ్వరి రావు, శ్రియారెడ్డి, రామచంద్ర రాజు తదితరులు ఈ సినిమాలో కీలక పాత్రల్లో పోషించారు. ప్రశాంత్ నీల్ రూపొందించిన ఈ చిత్రానికి రవి బస్రూర్ సంగీతాన్ని సమకూర్చారు. హొంబాలే ఫిల్మ్స్ పతాకంపై విజయ్ కిరంగదూర్ నిర్మించాడు.