Alia-Ranbhir wedding | వైభవంగా ఆలీయా, ర‌ణ్‌బీర్‌ల వివాహ‌ వేడుక‌.. పెళ్ళికి హాజ‌రైన బాలీవుడ్ స్టార్ జంట‌!

బాలీవుడ్ ప్రేమ‌జంట ఆలీయాభ‌ట్, ర‌ణ్‌బీర్ క‌పూర్ పెళ్ళి సంద‌డి షురూ అయ్యింది. బుధ‌వారం మెహందీ వేడుక ఘ‌నంగా జరిగింది. నీతూక‌పూర్‌, క‌రీష్మా క‌పూర్‌, రిద్ధిమా క‌పూర్ మెహందీ ఫోటోల‌ను సోష‌ల్ మీడియాలో ద్వారా పంచుకున్నారు.

Alia-Ranbhir wedding | బాలీవుడ్ ప్రేమ‌జంట ఆలీయాభ‌ట్, ర‌ణ్‌బీర్ క‌పూర్ పెళ్ళి సంద‌డి షురూ అయ్యింది. బుధ‌వారం మెహందీ వేడుక ఘ‌నంగా జరిగింది. నీతూక‌పూర్‌, క‌రీష్మా క‌పూర్‌, రిద్ధిమా క‌పూర్ మెహందీ ఫోటోల‌ను సోష‌ల్ మీడియాలో ద్వారా పంచుకున్నారు. గురువారం ఉద‌యం హ‌ల్ధీ ఫంక్ష‌న్ జ‌రిగింది. ఈ వేడుక‌కు అత్యంత స‌న్నిహితులు మాత్ర‌మే హాజ‌ర‌య్యార‌ని తెలుస్తుంది. ముంబైలోని వాస్తు అపార్టుమెంట్‌లో గురువారం సాయంత్రం వీళ్ళ పెళ్ళి ఘ‌నంగా జ‌రుగ‌నుంది. ఈ క్ర‌మంలో పలువురు బాలీవుడ్ ప్ర‌ముఖులు ఈ పెళ్ళికి హాజ‌ర‌య్యారు.

ఈ పెళ్ళికి బాలీవుడ్ స్టార్ క‌పుల్ సైఫ్ ఆలీఖాన్, క‌రీనా క‌పూర్‌ల‌తో పాటు ఆలీయా భ‌ట్ బెస్ట్ ఫ్రెండ్ ఆకాంక్షరాజ‌న్‌, నీలా దేవీ క‌పూర్‌, అయాన్ ముఖ‌ర్జీ, క‌ర‌ణ్ జోహ‌ర్‌లతో హాజ‌ర‌య్యారు. ఇక ర‌ణ్‌బీర్ మాజీ ప్రియురాళ్ళు క‌త్రినాకైఫ్‌, దీపికా ప‌దుకొణె కూడా ఈ పెళ్ళికి రానున్న‌ట్లు తెలుస్తుంది. అయితే ర‌ణ్‌బీర్‌క‌పూర్‌, ఆలీయాలు వాళ్ళ పెళ్ళిని సీక్రెట్‌గా జ‌రుపుకోవాల‌ని భావించార‌ట‌. కానీ ఈ విష‌యం మీడియా చెవిలో ప‌డింది. దాంతో గ‌తంవారం రోజుల నుంచి సోష‌ల్ మీడియాలో వీళ్ళ పెళ్ళికి సంబంధించిన చ‌ర్చ‌లు జ‌రుగుతూనే ఉన్నాయి.