ఇకపై ఆచితూచి మాట్లాడతా!

స్వీయ లోపంబులెరుగుట పెద్ద విద్య అనేది ఆర్యోక్తి. ప్రతి ఒక్కరిలో లోపాలు సహజం.

స్వీయ లోపంబులెరుగుట పెద్ద విద్య అనేది ఆర్యోక్తి. ప్రతి ఒక్కరిలో లోపాలు సహజం. వాటిని తెలుసుకొని, సరిచేసుకునేవారే స్థితప్రజ్ఞులు. ప్రముఖ నటి సాయిపల్లవి ఈ విషయాన్ని కాస్తంత ఆలస్యంగా తెలుసుకున్నది. ఈ మధ్య పలు సందర్భాల్లో ఆమె మాట్లాడిన మాటలు వివాదాలకు దారితీశాయి. అందుకే ఇకపై ఆచితూచి మాట్లాడాలని ఆమె ఫిక్సయ్యారట. తాజాగా ఓ ఇంటర్వ్యూలో ‘మీలో పెంచుకోవాల్సిన స్కిల్‌ ఏమిటి?’ అనే ప్రశ్నకు సమాధానంగా సాయిపల్లవి మాట్లాడుతూ ‘మనసులోని భావాలను వ్యక్తీకరించడం నాకు చేతకాదు.

దాంతో.. ఏదైతే చెప్పాలనుకున్నానో.. అది వేరేలా కమ్యూనికేట్‌ అవుతూవుంటుంది. ఒక్కటి మాత్రం నిజం.. జనాభిమానాన్ని పొందిన నటిగా నేను ఏం మాట్లాడినా దానికి విస్తృతమైన ప్రచారం లభిస్తుంది. ఈ కారణం చేతే పలు సందర్భాల్లో విమర్శలు ఎదుర్కోవాల్సివచ్చింది. అందుకే.. సరిగ్గా మాట్లాడే నైపుణ్యాన్ని మెరుగుపరుచుకోవాల్సిన అవసరం ఉంది’ అంటూ చెప్పుకొచ్చింది సాయిపల్లవి.