బాబోయ్ ఇది ఊర నాటు.. మాస్ డాన్సులతో కుమ్మేసిన చరణ్, ఎన్టీఆర్..

November 10, 2021 / 05:05 PM IST

RRR Mass Anthem Naatu Naatu song | RRR సినిమా అధికారికంగా ప్రకటించిన రోజు నుంచి రామ్ చరణ్, జూనియర్ ఎన్టీఆర్‌ను ఒకే స్క్రీన్‌పై కలిపి చూడాలని అభిమానులు తహతహలాడుతున్నారు. ఇప్పటి వరకు సినిమాకు సంబంధించిన చాలా విజువల్స్ బయటకు వచ్చాయి.. కానీ ఇద్దరు కలిసి ఉన్న విజువల్స్ మాత్రం రాలేదు. ఒకసారి రామ్ చరణ్.. మరోసారి జూనియర్ ఎన్టీఆర్ ఇలా వేర్వేరు విజువల్స్ విడుదల చేశాడు దర్శక ధీరుడు రాజమౌళి. కానీ సినిమా విడుదల తేదీ దగ్గరికి వస్తుండటంతో ప్రమోషన్ లో కూడా జోరు పెరిగింది. తాజాగా ఈ సినిమాలో ఊరమాస్ సాంగ్ విడుదల చేశారు. నాటు నాటు అంటూ సాగే ఈ పాటను చంద్రబోస్ రచించారు. రాహుల్ సిప్లిగంజ్, కాలభైరవ కలిసి పాడిన ఈ పాట యూట్యూబ్‌లో విడుదలైన క్షణం నుంచి సంచలనం సృష్టిస్తోంది.

https://youtu.be/Gt9WzC4WDEA

లిరిక్స్ గురించి మర్చిపోండి.. పాట గురించి మర్చిపోండి.. మ్యూజిక్ గురించి మర్చిపోండి.. ఇద్దరూ గ్రేట్ డాన్సర్స్ కలిసి స్క్రీన్ మీద స్టెప్పులు వేస్తుంటే అది కదా మాకు కావాల్సింది అంటూ అభిమానులు పొంగిపోతున్నారు. ప్రేమ్ రక్షిత్ కొరియోగ్రఫీలో వస్తున్న ఈ సాంగ్ లో చరణ్, తారక్ డాన్సులకు సిల్వర్ స్క్రీన్ షేక్ అయిపోవడం ఖాయం. ముఖ్యంగా ఇప్పుడు విడుదలైన లిరికల్ సాంగ్ లో రెండు స్టెప్పులు అభిమానుల కోసం చూపించాడు రాజమౌళి. అది చూసిన తర్వాత సినిమాలో సన్నివేశాలు ఎలా ఉండబోతున్నాయో క్లారిటీ వచ్చేసింది.

అదిరిపోయే డాన్స్ పెర్ఫార్మెన్స్ తో ఈ పాట రేంజ్ మారిపోయింది. కీరవాణి మరోసారి మాస్ ట్యూన్ ఇచ్చాడు. రేపు సినిమాలో ఈ పాట చూస్తున్నప్పుడు థియేటర్స్ అన్నీ ఈలలు గోలలతో మార్మోగిపోవడం ఖాయం. జనవరి 7, 2022న సంక్రాంతి కానుకగా త్రిబుల్ ఆర్ సినిమా విడుదల కానుంది. హిందీలో ఈ సినిమా రైట్స్ పెన్ సినిమాస్ సొంతం చేసుకుంది. కేవలం థియేట్రికల్ రైట్స్ మాత్రమే కాకుండా శాటిలైట్, డిజిటల్ రైట్స్ కూడా పెన్ సినిమాస్ దక్కించుకుంది. దాదాపు 400 కోట్ల బడ్జెట్ తో ఈ సినిమాను డీవీవీ దానయ్య నిర్మిస్తున్నాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి