Rishab Shetty | ఛత్రపతి శివాజీగా రిషబ్‌ శెట్టి.. ఫస్ట్‌లుక్‌ పోస్టర్‌ వైరల్‌!

‘కాంతార’తో నటుడిగా రిషబ్‌శెట్టి పొటెన్షియాలిటీ ప్రపంచానికి తెలిసింది. అందుకే విభిన్నమైన పాత్రలు ఆయన తలుపు తడుతున్నాయి. ప్రశాంత్‌వర్మ ‘జై హనుమాన్‌'లో హనుమంతుడిగా ఆయన నటించనున్న విషయం తెలిసిందే. ఇటీవలే హనుమంతుడిగా ఆయన ఫస్ట్‌లుక్‌ని కూడా విడుదల చేశారు. ఆ లుక్‌లో రిషబ్‌ని చూసిన జనం సాక్షాత్‌ ఆంజనేయుడ్నే చూసినట్టు రోమాంచితులవుతున్నారు. త్వరలోనే ఈ సినిమా షూటింగ్‌ మొదలుకానుంది.

‘కాంతార’తో నటుడిగా రిషబ్‌శెట్టి పొటెన్షియాలిటీ ప్రపంచానికి తెలిసింది. అందుకే విభిన్నమైన పాత్రలు ఆయన తలుపు తడుతున్నాయి. ప్రశాంత్‌వర్మ ‘జై హనుమాన్‌’లో హనుమంతుడిగా ఆయన నటించనున్న విషయం తెలిసిందే. ఇటీవలే హనుమంతుడిగా ఆయన ఫస్ట్‌లుక్‌ని కూడా విడుదల చేశారు. ఆ లుక్‌లో రిషబ్‌ని చూసిన జనం సాక్షాత్‌ ఆంజనేయుడ్నే చూసినట్టు రోమాంచితులవుతున్నారు. త్వరలోనే ఈ సినిమా షూటింగ్‌ మొదలుకానుంది. ఈ లోపే రిషబ్‌ను మరో వైవిధ్యమైన పాత్ర వరించడం విశేషం.

అది సాదాసీదా పాత్ర కాదు. మరాఠా వీరుడు ఛత్రపతి శివాజీ పాత్ర. సినిమా పేరు ‘ఛత్రపతి శివాజీ మహారాజ్‌’. సందీప్‌సింగ్‌ తెరకెక్కిస్తున్న ఈ సినిమా 2027 జనవరి 21న ప్రపంచవ్యాప్తంగా విడుదల కానుంది. తాజాగా ఈ సినిమా పోస్టర్‌ని మేకర్స్‌ విడుదల చేశారు. ‘ఇది కేవలం సినిమా మాత్రమేకాదు. అసమానతలకు వ్యతిరేకంగా పోరాడిన శక్తిమంతమైన వ్యక్తి చరిత్ర. ఆ మహాయోధుడి కథను సినిమాగా తీసుకురావాలనేది నిజంగా గొప్ప ఆలోచన. ఇంత గొప్ప ప్రాజెక్ట్‌లో నటిస్తున్నందుకు గౌరవంగా, గర్వంగా ఉంది. సినిమాటిక్‌ ఎక్స్‌పీరియన్స్‌ పొందడానికీ.. శివాజీ గురించి తెలుసుకోవడానికి సిద్ధంగా ఉండండి’ అని రిషబ్‌శెట్టి పోస్ట్‌ పెట్టారు. ప్రస్తుతం ఈ పోస్ట్‌, పోస్టర్‌ బాగా వైరల్‌ అవుతున్నాయి. ప్రస్తుతం ఆయన ‘కాంతర’ ప్రీక్వెల్‌ చేస్తూ బిజీగా ఉన్న విషయం తెలిసిందే.