ఆర్జీవీ సైకలాజికల్‌ థ్రిల్లర్‌

నిజజీవిత సంఘటనల మేళవింపుతో రామ్‌గోపాల్‌వర్మ అందిస్తున్న సైకలాజికల్‌ థ్రిల్లర్‌ ‘శారీ’. ‘టూమచ్‌ లవ్‌ కెన్‌ బి స్కేరీ’ అనేది ఉపశీర్షిక. గిరి కృష్ణకమల్‌ దర్శకుడు.

నిజజీవిత సంఘటనల మేళవింపుతో రామ్‌గోపాల్‌వర్మ అందిస్తున్న సైకలాజికల్‌ థ్రిల్లర్‌ ‘శారీ’. ‘టూమచ్‌ లవ్‌ కెన్‌ బి స్కేరీ’ అనేది ఉపశీర్షిక. గిరి కృష్ణకమల్‌ దర్శకుడు. రవివర్మ నిర్మాత. నవంబర్‌లో విడుదల కానున్న ఈ సినిమా ఆంధ్ర, తెలంగాణ థియేట్రికల్‌ హక్కులను ప్రముఖ పంపిణీ దారుడు ముత్యాల రాందాస్‌ సొంతం చేసుకున్నారు. చీరలో ఉన్న ఓ అమ్మాయిని చూసి పిచ్చివాడై, ప్రేమలో పడ్డ ఓ అబ్బాయి జీవితం ఎలా భయానకంగా మారింది అన్నదే ఈ సినిమా ప్రధానాంశం. ఇందులో అబ్బాయిగా సత్య యాదు నటిస్తుండగా, అతన్ని పిచ్చివాడ్ని చేసిన అమ్మాయిగా ఆరాధ్యదేవి కనిపించనుంది. వాస్తవ సంఘటనలను కళ్లకు కట్టేలా చూపించడంలో ఆర్జీవీ సిద్ధహస్తులనీ, యువతరం మాత్రమే కాకుండా, కుటుంబ ప్రేక్షకులకు కూడా నచ్చేలా ఈ సినిమాను ఆర్జీవీ మలిచారని పంపిణీదారులు ముత్యాల రాందాస్‌ అన్నారు. పాన్‌ ఇండియా స్థాయిలో సినిమాను విడుదల చేస్తున్నామని నిర్మాత తెలిపారు. ఈ చిత్రానికి కెమెరా: శబరి, నిర్మాణం: ఆర్జీవి ఆర్వి ప్రొడక్షన్స్‌.