Rasshi Khanna | షూటింగ్‌లో గాయపడిన రాశీ ఖన్నా.. నొప్పిని భ‌రిస్తూనే కీలక షెడ్యూల్ పూర్తి

Rasshi Khanna | టాలీవుడ్, బాలీవుడ్‌లో తనదైన గుర్తింపు తెచ్చుకున్న హీరోయిన్ రాశీ ఖన్నా షూటింగ్ సందర్భంగా గాయపడిన విషయం అభిమానుల్లో ఆందోళన కలిగిస్తోంది. ప్రస్తుతం బాలీవుడ్ స్టార్ హీరో అక్షయ్ కుమార్, నటి విద్యా బాలన్ ప్రధాన పాత్రల్లో దర్శకుడు అనీస్ బజ్మీ తెరకెక్కిస్తున్న భారీ కామెడీ ఎంటర్‌టైనర్‌లో రాశీ ఖన్నా కీలక పాత్ర పోషిస్తోంది.

Rasshi Khanna | టాలీవుడ్, బాలీవుడ్‌లో తనదైన గుర్తింపు తెచ్చుకున్న హీరోయిన్ రాశీ ఖన్నా షూటింగ్ సందర్భంగా గాయపడిన విషయం అభిమానుల్లో ఆందోళన కలిగిస్తోంది. ప్రస్తుతం బాలీవుడ్ స్టార్ హీరో అక్షయ్ కుమార్, నటి విద్యా బాలన్ ప్రధాన పాత్రల్లో దర్శకుడు అనీస్ బజ్మీ తెరకెక్కిస్తున్న భారీ కామెడీ ఎంటర్‌టైనర్‌లో రాశీ ఖన్నా కీలక పాత్ర పోషిస్తోంది. ఈ సినిమా షూటింగ్ సమయంలో జరిగిన ప్రమాదంలో ఆమె గాయపడినప్పటికీ, ధైర్యంగా షూటింగ్ పూర్తి చేయడం విశేషంగా మారింది. తాజాగా ఈ విషయాన్ని రాశీ ఖన్నా స్వయంగా సోషల్ మీడియా ద్వారా అభిమానులతో పంచుకుంది. యాక్షన్ సన్నివేశాల చిత్రీకరణ జరుగుతున్న సమయంలో గాయపడినట్లు తెలిపిన ఆమె, శారీరకంగా ఇబ్బందులు ఎదుర్కొన్నప్పటికీ షూటింగ్‌ను మధ్యలో నిలిపివేయలేదని వెల్లడించింది. తన సినీ ప్రయాణంలో ఇదే అత్యంత కఠినమైన షూటింగ్ షెడ్యూల్ అని పేర్కొంది.

గాయం కారణంగా తీవ్ర అసౌకర్యం ఎదురైనా, చిత్రబృందం సహకారం, కుటుంబ సభ్యుల ప్రోత్సాహం వల్లే ఆ షెడ్యూల్‌ను విజయవంతంగా పూర్తి చేయగలిగానని రాశీ తెలిపింది. ముఖ్యంగా సహనటులు అక్షయ్ కుమార్, విద్యా బాలన్‌తో పాటు యూనిట్ సభ్యులు తనకు అండగా నిలిచారని ఆమె కృతజ్ఞతలు తెలిపింది.ఈ సినిమాలో ప్రముఖ నటులు సుదేశ్ లెహ్రి, విజయ్ రాజ్ కూడా కీలక పాత్రల్లో నటిస్తున్నారు. పూర్తి స్థాయి కామెడీ ఎంటర్‌టైనర్‌గా రూపొందుతున్న ఈ చిత్రంపై ఇప్పటికే బాలీవుడ్‌లో మంచి అంచనాలు నెలకొన్నాయి. అనీస్ బజ్మీ దర్శకత్వం వహిస్తున్న ఈ చిత్రం నవ్వులతో పాటు వినోదాన్ని పంచేలా తెరకెక్కుతోందని సినీ వర్గాలు చెబుతున్నాయి.

రాశీ ఖన్నా గాయపడిన వార్త తెలిసిన వెంటనే అభిమానులు ఆమె త్వరగా కోలుకోవాలని సోషల్ మీడియాలో పోస్టులు చేస్తున్నారు. ప్రస్తుతం ఆమె ఆరోగ్యం నిలకడగా ఉందని, విశ్రాంతి తీసుకుంటూనే మిగిలిన షూటింగ్‌కు సిద్ధమవుతున్నట్లు సమాచారం. అన్ని కార్యక్రమాలు పూర్తి చేసుకున్న ఈ భారీ కామెడీ ఎంటర్‌టైనర్‌ను డిసెంబర్ 4న ప్రపంచవ్యాప్తంగా థియేటర్లలో విడుదల చేయాలని చిత్రబృందం సన్నాహాలు చేస్తోంది. షూటింగ్‌లో ఎదురైన ఇబ్బందులను అధిగమించి తన వృత్తిపట్ల అంకితభావాన్ని చాటుకున్న రాశీ ఖన్నాపై అభిమానులు ప్రశంసలు కురిపిస్తున్నారు.