Visit:
Agniveers Army | కేంద్ర సాయుధ బలగాల్లోకి మాజీ అగ్నివీరులను పరీక్ష లేకుండానే తీసుకోవాలని, 50 శాతం రిజర్వేషన్లు కల్పించాలని కేంద్ర హోం శాఖ నిర్ణయించింది. సాధారణంగా బలగాల్లోకి ఎంపిక కోసం నిర్వహించే ఫిజికల్ స్టాండర్డ్ టెస్ట్ (PST), ఫిజికల్ ఎఫిషియన్సీ టెస్ట్ (PET) వంటి పరీక్షలు వీరు రాయాల్సిన అవసరం లేదు. ఇప్పటివరకు ఉన్న 10 శాతం ఉన్న రిజర్వేషన్ 50 శాతానికి పెంచడం విశేషం. నాలుగేండ్ల పదవీకాలం పూర్తయ్యాక అగ్నిపథ్ పథకం నుంచి బయటకు వచ్చే సైనికులకు మరొకసారి సాయుధ బలగాల్లో ఉపాధి లభించనుంది.
వీరిని సెంట్రల్ రిజర్వ్ పోలీస్ ఫోర్స్ (CRPF), సెంట్రల్ ఇండస్ట్రియల్ సెక్యూరిటీ ఫోర్స్ (CISF), అస్సాం రైఫిల్స్, బోర్డర్ సెక్యూరిటీ ఫోర్స్ (BSF), ఇండో టిబెటన్ బోర్డర్ పోలీస్ (ITBP), సశస్త్ర సీమా బల్ (SSB)లలో కానిస్టేబుల్, రైఫిల్మ్యాన్ పోస్టులకు డైరెక్ట్గా ఎంపిక చేస్తారు. అదేవిధంగా వీరికి అదనంగా మూడేండ్లు వయోపరిమితిలో సడలింపు కల్పించారు.
కేంద్ర హోం మంత్రిత్వ శాఖలో ‘మాజీ అగ్నివీర్’ అనే విభాగాన్ని ప్రత్యేకంగా ఏర్పాటు చేశారు. దీనిద్వారా అగ్నివీరుల సేవా కాలం ముగిసిన తర్వాత వారు ఎక్కడ ఉంటారు, ఏం చేస్తారు వంటి వారి విషయాలను తెలుసుకొని, వారిని సమయన్వయం చేయడం ఈ విభాగం లక్ష్యం.
