Rashmika | కాస్త దయతో ఉండాలి.. నేను అందరితో అలానే ప్రవర్తిస్తా: రష్మిక మందన్న

కాలికి గాయమైనా ఏమాత్రం లెక్కచేయకుండా తన తాజా చిత్రం ‘ఛావా’ ప్రమోషన్స్‌లో పాల్గొంటున్నది రష్మిక మందన్న. వీల్‌ఛైర్‌లోనే ఆమె ప్రచార కార్యక్రమాలకు హాజరవుతున్న వీడియోలు సోషల్‌మీడియాలో వైరల్‌ అవుతున్నాయి. వృత్తిపట్ల రష్మిక మందన్న అంకితభావాన్ని నెటిజన్లు ప్రశంసలతో ముంచెత్తుతున్నారు.

కాలికి గాయమైనా ఏమాత్రం లెక్కచేయకుండా తన తాజా చిత్రం ‘ఛావా’ ప్రమోషన్స్‌లో పాల్గొంటున్నది రష్మిక మందన్న. వీల్‌ఛైర్‌లోనే ఆమె ప్రచార కార్యక్రమాలకు హాజరవుతున్న వీడియోలు సోషల్‌మీడియాలో వైరల్‌ అవుతున్నాయి. వృత్తిపట్ల రష్మిక మందన్న అంకితభావాన్ని నెటిజన్లు ప్రశంసలతో ముంచెత్తుతున్నారు. ఈ నేపథ్యంలో రష్మిక మందన్న తాజా పోస్ట్‌ అందరిలో ఆసక్తినిరేకెత్తిస్తున్నది. ‘ఈ రోజుల్లో సాటి వ్యక్తులతో దయగా ఉండటం తగ్గిపోతున్నది. నేను మాత్రం అందరి పట్ల దయతో ప్రవర్తిస్తాను. మీరందరూ కూడా అలాగే ఉండండి’ అంటూ ఇన్‌స్టాగ్రామ్‌లో పేర్కొంది రష్మిక మందన్న.

ఈ సందర్భంగా పోస్ట్‌ చేసిన ఫొటోలో ఆమె ధరించిన టీ షర్ట్‌పై కూడా ‘కైండ్‌ఫుల్‌’ (దయతో) అని రాసి ఉంది. ప్రస్తుతం ఈ పోస్ట్‌ సోషల్‌మీడియాలో వైరల్‌గా మారింది. రష్మిక మందన్న నటించిన చారిత్రక చిత్రం ‘ఛావా’ ఈ నెల 14న ప్రేక్షకుల ముందుకురానుంది. విక్కీకౌశల్‌ కథానాయకుడిగా నటించిన ఈ చిత్రాన్ని మరాఠీ యోధుడు శంభాజీ మహారాజ్‌ జీవిత చరిత్ర ఆధారంగా తెరకెక్కించారు. వీటితో పాటు తెలుగులో కుబేర, ది గర్ల్‌ఫ్రెండ్‌, రెయిన్‌బో చిత్రాల్లో నటిస్తూ బిజీగా ఉంది రష్మిక మందన్న.