Visit:
ప్రస్తుతం రణ్బీర్కపూర్.. ప్రతిష్టాత్మక పౌరాణిక బాలీవుడ్ పానిండియా మూవీ ‘రామాయణ’లో శ్రీరాముడిగా నటిస్తున్న విషయం తెలిసిందే. ఈ పాత్ర కోసం నాలుగేండ్ల క్రితం నిర్మాత నమిత్ మల్హోత్రా తనను సంప్రదించినప్పుడు ఆ ఆఫర్కి రణ్బీర్ ‘నో’ చెప్పారట. ఈ విషయంపై ఇటీవల ఓ ఇంటర్వ్యూలో ఆయన మాట్లాడుతూ ‘నమిత్ మల్హోత్రా ఈ పాత్ర గురించి చెప్పగానే భయమేసింది. ఆ పాత్రకు న్యాయం చేసేంత సామర్థ్యం నాకు లేదని చెప్పేశాను. నా అభిప్రాయం ప్రకారం శ్రీరాముడిగా కనిపించేంత తాహత నాకు లేదు. అందుకు తగిన వాడ్ని కూడా నేను కాదు. అయితే.. కుమార్తె రాహా నా జీవితంలోకి రాగానే నా ఆలోచనా ధోరణిలో మార్పు వచ్చింది. తండ్రిగా మారాక శ్రీరాముడి వంటి ఆదర్శపురుషుని పాత్ర పోషించడం మానసికంగా నా ఎదుగుదలకు సహాయపడుతుందని భావించా. దాంతో భయం వదిలిపెట్టి ధైర్యంగా ఓకే చెప్పా. నిజానికి కూడా ఇలాంటి అవకాశాలు చాలా తక్కువమందికి వస్తాయి. నిజంగా ఇది పూర్వజన్మ సుకృతం వల్ల లభించిన పాత్ర’ అని రణ్బీర్ అన్నారు.
