RGV | హింసకు సినిమాలే కారణమంటే… కిడ్నాప్లకు రామాయణాన్ని అనాల్సిందే: ఆర్జీవీ
ఆంధ్రప్రదేశ్ లోని అనంతపురం జిల్లా రాప్తాడు ప్రభుత్వ పాఠశాలలో చోటుచేసుకున్న దారుణ ఘటన రాష్ట్రవ్యాప్తంగా తీవ్ర సంచలనం సృష్టించిన విషయం తెలిసిందే.
ఆంధ్రప్రదేశ్ లోని అనంతపురం జిల్లా రాప్తాడు ప్రభుత్వ పాఠశాలలో చోటుచేసుకున్న దారుణ ఘటన రాష్ట్రవ్యాప్తంగా తీవ్ర సంచలనం సృష్టించిన విషయం తెలిసిందే. పాఠశాల గదిలో ఓ విద్యార్థినిపై జరిగిన ఈ అమానుష దాడిపై అన్ని వర్గాల నుంచి తీవ్ర వ్యతిరేకత వ్యక్తమవుతోంది. ఈ నేపథ్యంలో సమాజంలో పెరుగుతున్న హింసకు, నేర ప్రవృత్తికి సినిమాలే ప్రధాన కారణమంటూ జరుగుతున్న చర్చపై ప్రముఖ దర్శకుడు రామ్ గోపాల్ వర్మ తనదైన శైలిలో స్పందించారు.
సమాజంలో జరిగే నేరాలకు, సినిమాలకు ముడిపెట్టడం సరికాదని ఆయన అభిప్రాయపడ్డారు. ఈ మేరకు సోషల్ మీడియా వేదికగా ఆయన స్పందిస్తూ.. సమాజంలో హింస పెరగడానికి సినిమాలను బ్లేమ్ చేయడం అంటే.. కిడ్నాప్లు పెరగడానికి రామాయణాన్ని బ్లేమ్ చేసినట్లే ఉంటుంది అంటూ ఒక బలమైన కౌంటర్ ఇచ్చారు.
సినిమాలు కేవలం వినోదం కోసం, కల్పిత కథలతో తెరకెక్కించే దృశ్య రూపాలు మాత్రమేనని ఆర్జీవీ పేర్కొన్నారు. తెరపై వచ్చే పాత్రల ప్రవర్తనను చూసి ప్రతి ప్రేక్షకుడు అలాగే తయారవుతాడనడంలో ఎలాంటి అర్ధం లేదని ఆయన స్పష్టం చేశారు. రాప్తాడు ఘటన నేపథ్యంలో సమాజంపై, యువతపై సినిమాల ప్రభావం గురించి తీవ్రమైన వాదనలు నడుస్తున్న తరుణంలో ఆర్జీవీ చేసిన ఈ కామెంట్స్ నెట్టింట వైరల్గా మారాయి. కేవలం సినిమాలను తప్పుపట్టడం కంటే నేరాలకు అసలు కారణాలు ఏమిటో విశ్లేషించాలనే కోణంలో ఆయన చేసిన ఈ వ్యాఖ్యలు ప్రస్తుతం చర్చనీయాంశంగా మారాయి.
Blaming films for rise in violence is like , blaming Ramayana for rise in kidnappings
— Ram Gopal Varma (@RGVzoomin) November 1, 2026
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

