Visit:
‘కమల్హాసన్తో నా స్నేహబంధం యాభైఏండ్లుగా కొనసాగుతున్నది. ఈ ప్రయాణంలో ఆయన చేసిన సహాయం, మార్గదర్శకత్వం చాలా గొప్పది. మా స్నేహం గురించి ప్రజలకు తెలిసింది చాలా తక్కువ. కమల్హాసన్ నిర్మాణ సంస్థ రాజ్కమల్ ఫిల్మ్స్ ఇంటర్నేషనల్లో ఈ సినిమా చేయడం ఆనందంగా ఉంది’ అన్నారు సూపర్స్టార్ రజనీకాంత్. ఆయన కథానాయకుడిగా అగ్ర నటుడు కమల్హాసన్ నిర్మిస్తున్న తాజా చిత్రానికి ‘ధర్మన్’ అనే టైటిల్ను ఖరారు చేశారు. ‘ది డెడ్లీ డాక్టర్’ అని ఉపశీర్షిక.
అశ్వత్ మారిముత్తు దర్శకత్వం వహిస్తున్న ఈ సినిమా షూటింగ్ బుధవారం చెన్నైలో మొదలైంది. రజనీకాంత్ నటిస్తున్న 173వ చిత్రమిది. ఈ సందర్భంగా ఫస్ట్లుక్ పోస్టర్ను విడుదల చేశారు. ఇందులో రజనీకాంత్ ఆపరేషన్ థియేటర్లో చేతిలో రక్తపు మరకలు ఉన్న స్కాల్పెల్ పట్టుకొని చిరునవ్వుతో కనిపిస్తున్నారు. ఒకస్టార్ హీరో నిర్మిస్తున్న చిత్రంలో మరో స్టార్ హీరో నటిస్తున్నారని, చరిత్రలో గుర్తుండిపోయే సినిమా అవుతుందని దర్శకుడు అశ్వత్ మారిముత్తు పేర్కొన్నారు. సిమ్రాన్, రాశీఖన్నా కథానాయికలుగా నటిస్తున్న ఈ చిత్రానికి అనిరుధ్ రవిచందర్ సంగీతాన్నందిస్తున్నారు.
