Cult | విశ్వక్ సేన్ ‘కల్ట్’ ఫస్ట్ డే కలెక్షన్లు.. భారీ అంచనాల మధ్య విడుదలై నిరాశపరిచిందా, బ్రేక్ ఈవెన్‌కు ఎంత రావాలంటే?

Cult | మాస్ కా దాస్ విశ్వక్ సేన్ హీరోగా నటించడమే కాకుండా దర్శకత్వం వహించిన తాజా చిత్రం ‘కల్ట్’. భారతీయ చిత్ర పరిశ్రమలో తొలి స్లాషర్ ఫిల్మ్‌గా ప్రచారం చేస్తూ ఈ సినిమాను ప్రేక్షకుల ముందుకు తీసుకొచ్చారు. గాయత్రి భరద్వాజ్ కథానాయికగా నటించగా, తారక్ పొన్నప్ప, మురళీ శర్మ, శ్రీకాంత్ అయ్యంగార్, విశాఖ్ నాయర్, కార్తికేయ, అనిరుధ్ భాస్కర్ తదితరులు కీలక పాత్రలు పోషించారు.

Cult | మాస్ కా దాస్ విశ్వక్ సేన్ హీరోగా నటించడమే కాకుండా దర్శకత్వం వహించిన తాజా చిత్రం ‘కల్ట్’. భారతీయ చిత్ర పరిశ్రమలో తొలి స్లాషర్ ఫిల్మ్‌గా ప్రచారం చేస్తూ ఈ సినిమాను ప్రేక్షకుల ముందుకు తీసుకొచ్చారు. గాయత్రి భరద్వాజ్ కథానాయికగా నటించగా, తారక్ పొన్నప్ప, మురళీ శర్మ, శ్రీకాంత్ అయ్యంగార్, విశాఖ్ నాయర్, కార్తికేయ, అనిరుధ్ భాస్కర్ తదితరులు కీలక పాత్రలు పోషించారు. రవి బస్రూర్ సంగీతం అందించిన ఈ చిత్రాన్ని తారక్ సినిమాస్ పతాకంపై సందీప్ కాకరాల నిర్మించారు. శుక్రవారం థియేటర్లలో విడుదలైన ఈ సినిమాకు ప్రేక్షకుల నుంచి మిశ్రమ స్పందన లభించింది. ముఖ్యంగా సినిమాలోని హింసాత్మక సన్నివేశాలు కొంతమంది ప్రేక్షకులకు ఇబ్బందిగా అనిపించాయి. అయితే విశ్వక్ సేన్ దర్శకత్వ ప్రతిభ, సాంకేతిక విభాగాల పనితీరుపై ప్రశంసలు వచ్చాయి.

విడుదలకు ముందు సినిమాపై పెద్దగా అంచనాలు లేకపోవడం, ప్రచార కార్యక్రమాలు కూడా పరిమితంగా జరగడంతో ‘కల్ట్’కు ఓపెనింగ్స్ ఆశించిన స్థాయిలో రాలేదు. అందుబాటులో ఉన్న బాక్సాఫీస్ అంచనాల ప్రకారం ఈ చిత్రం ప్రపంచవ్యాప్తంగా మొదటి రోజు సుమారు రూ.1.30 కోట్ల గ్రాస్ వసూళ్లు సాధించింది. ఇందులో ఇండియా నెట్ వసూళ్లు సుమారు రూ.95 లక్షలు కాగా, ఇండియా గ్రాస్ రూ.1.10 కోట్లు. ఓవర్సీస్ మార్కెట్ నుంచి దాదాపు రూ.20 లక్షలు వచ్చినట్లు ట్రేడ్ వర్గాల అంచనా. ఇటీవల విడుదలైన విశ్వక్ సేన్ సినిమాలతో పోలిస్తే ఈ ఓపెనింగ్స్ తక్కువగానే ఉన్నాయని విశ్లేషకులు భావిస్తున్నారు. అయితే సినిమాకు మొదటి రోజు మిశ్రమ స్పందన రావడంతో రాబోయే రోజుల్లో వసూళ్లు ఎలా ఉంటాయన్నది ఆసక్తికరంగా మారింది. మౌత్ టాక్ మెరుగుపడితే వీకెండ్‌లో కలెక్షన్లు పెరిగే అవకాశం ఉంది. ముఖ్యంగా యువత, హారర్‌, స్లాషర్ చిత్రాలను ఇష్టపడే ప్రేక్షకులు సినిమాకు ఎంతవరకు కనెక్ట్ అవుతారనేది కీలకం.

ఇక ఈ సినిమా బడ్జెట్, థియేట్రికల్ బిజినెస్ విషయానికి వస్తే.. అందుతున్న అంచనాల ప్రకారం ‘కల్ట్’ చిత్రాన్ని సుమారు రూ.25 నుంచి రూ.30 కోట్ల బడ్జెట్‌తో నిర్మించారు. థియేట్రికల్ హక్కుల వ్యాపారం దాదాపు రూ.10 కోట్లుగా చెబుతున్నారు. ఈ లెక్కన సినిమా బ్రేక్ ఈవెన్ సాధించాలంటే సుమారు రూ.11 కోట్ల షేర్ వసూలు చేయాల్సి ఉంటుందని ట్రేడ్ వర్గాల అంచనా. అంటే బాక్సాఫీస్ వద్ద దాదాపు రూ.22 కోట్ల గ్రాస్ వసూళ్లు సాధించాల్సి ఉంటుంది. కానీ మొదటి రోజు ప్రపంచవ్యాప్తంగా రూ.1.30 కోట్ల గ్రాస్ మాత్రమే రావడంతో లక్ష్యాన్ని చేరుకోవడానికి ఇంకా చాలా దూరం ప్రయాణించాల్సి ఉంది.‘కల్ట్’ సినిమాకు కథనం, హింసాత్మక సన్నివేశాల విషయంలో మిక్స్ డ్ టాక్ వ‌స్తుంది. కొంతమంది ప్రేక్షకులు అతిగా ఉన్న హింసను విమర్శిస్తుండగా, మరికొందరు విశ్వక్ సేన్ చేసిన దర్శకత్వ ప్రయత్నాన్ని ప్రశంసిస్తున్నారు. ముఖ్యంగా సాంకేతికంగా సినిమా బాగుందని అభిప్రాయపడుతున్నారు.