పెద్దన్న 2 డేస్ కలెక్షన్స్.. రజినీకాంత్‌కు మరో ఫ్లాప్ తప్పేలా లేదే..?

November 6, 2021 / 08:37 PM IST

Peddanna collections | ఒకప్పుడు సూపర్ స్టార్ రజినీకాంత్ సినిమా వచ్చిందంటే చాలు సెలవులు ఇచ్చి మరీ చూడమని చెప్పేవాళ్లు. కానీ ఇప్పుడు సెలవులున్నా కూడా రజినీ సినిమా చూడ్డానికి రావడం లేదు ప్రేక్షకులు. సూపర్ స్టార్ ఇమేజ్ అలాగే ఉన్నా మార్కెట్ మాత్రం మునపటిలా లేదనేది కాదనలేని వాస్తవం. పెద్దన్న సినిమా విషయంలో మరోసారి అది ప్రూవ్ అవుతుంది. శివ తెరకెక్కించిన ఈ చిత్రంలో రజినీకాంత్, కీర్తి సురేశ్‌, నయనతార, మీనా, ఖుష్బూ నటించారు. తెలుగు రాష్ట్రాలతో పాటు తమిళనాట కూడా ఈ సినిమాకు ఊహించిన కలెక్షన్స్ రావడం లేదు. ఏపీ, తెలంగాణలో అయితే రజినీ గత సినిమాల కంటే దారుణంగా ఓపెనింగ్స్ వచ్చాయి. మరి అవేంటి.. ఇంకా ఎంత దూరం వెళ్లాలనేది చూద్దాం..

నైజాం: 0.79 కోట్లు
సీడెడ్: 0.36 కోట్లు
ఉత్తరాంధ్ర: 0.23 కోట్లు
ఈస్ట్: 0.16 కోట్లు
వెస్ట్: 0.12 కోట్లు
గుంటూరు: 0.29 కోట్లు
కృష్ణా: 0.15 కోట్లు
నెల్లూరు: 0.13 కోట్లు

ఏపీ + తెలంగాణ: 2.23 కోట్లు షేర్

ఈ సినిమాను తెలుగులో రూ.12 కోట్లకు అమ్మారు. అంటే రూ.13 కోట్లు వస్తే కానీ బ్రేక్ ఈవెన్ కాదన్నమాట. ప్రస్తుతం ఉన్న పరిస్థితుల్లో వీకెండ్ క్యాష్ చేసుకుంటే కానీ రజినీకాంత్ సినిమా కాస్తో కూస్తో బయటపడదు. అయినా కూడా రూ.13 కోట్లు వసూలు చేయడం అనేది దాదాపు అసాధ్యంలా కనిపిస్తుంది. ఒకప్పుడు రజినీ సినిమాకు కేవలం రెండు రోజుల్లో వచ్చే వసూళ్లు ఇవి. కానీ ఇప్పుడు ఆ మార్కెట్ కనిపించడం లేదు. దాంతో రజినీకాంత్‌కు మరో ఫ్లాప్ తప్పేలా కనిపించడం లేదు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి