21 ఏండ్ల తర్వాత..

భారతీయ చిత్రసీమలో లివింగ్‌ లెజెండ్స్‌గా పేరు పొందారు అగ్ర నటులు కమల్‌హాసన్‌, రజనీకాంత్‌. దేశవ్యాప్తంగా వీరిద్దరికి ఉన్న అభిమానగణం గురించి ప్రత్యేకంగా చెప్పాల్సిన పనిలేదు. ఇదిలావుండగా 21 ఏండ్ల తర్వాత ఈ సూపర్‌స్టార్స్‌ ఇద్దరూ ఒకే స్టూడియోలో తమ సినిమాల షూటింగ్స్‌ సందర్భంగా కలుసుకోవడం విశేషం.

భారతీయ చిత్రసీమలో లివింగ్‌ లెజెండ్స్‌గా పేరు పొందారు అగ్ర నటులు కమల్‌హాసన్‌, రజనీకాంత్‌. దేశవ్యాప్తంగా వీరిద్దరికి ఉన్న అభిమానగణం గురించి ప్రత్యేకంగా చెప్పాల్సిన పనిలేదు. ఇదిలావుండగా 21 ఏండ్ల తర్వాత ఈ సూపర్‌స్టార్స్‌ ఇద్దరూ ఒకే స్టూడియోలో తమ సినిమాల షూటింగ్స్‌ సందర్భంగా కలుసుకోవడం విశేషం. వివరాల్లోకి వెళితే.. కమల్‌హాసన్‌ ‘ఇండియన్‌-2’ షూటింగ్‌ చెన్నైలోని ప్రసాద్‌ స్టూడియో ఎరీనాలో జరుగుతున్నది. దీనికి సమీపంలోనే రజనీకాంత్‌ 170వ చిత్రం షూటింగ్‌ జరుగుతున్నది.

ఈ విషయం తెలుసుకున్న అగ్ర హీరోలిద్దరూ గురువారం ఉదయం షూటింగ్‌ లొకేషన్‌లో కలుసుకున్నారు. 21 సంవత్సరాల తర్వాత షూటింగ్‌ లొకేషన్‌లో వీరిద్దరు కలుసుకున్నారని, ఇదొక ప్రత్యేక సందర్భమని అభిమానులు సంతోషం వ్యక్తం చేస్తున్నారు. ఈ సందర్భంగా కమల్‌హాసన్‌, రజనీకాంత్‌ తమ చిత్రాల తాలూకు గత స్మృతులను గుర్తు చేసుకున్నారు. గతంలో బాబా, పంచతంత్రం సినిమాల షూటింగ్‌ సందర్భంగా వీరిద్దరూ కలుసుకున్నారు. సూపర్‌స్టార్స్‌ ఇద్దరూ కలుసుకున్న ఫొటోలు సోషల్‌మీడియాలో వైరల్‌గా మారాయి.