Visit:
సూపర్‌స్టార్‌ రజనీకాంత్‌ ‘కూలీ’ చిత్రం నిర్మాణం నుంచే అభిమానుల్లో ఆసక్తిని రేకెత్తిస్తున్నది. ఈ సినిమాలో ప్రతినాయకుడిగా తెలుగు అగ్ర నటుడు నాగార్జున నటిస్తుండటం విశేషం. దాంతో ఆయన అభిమానులు కూడా ఈ సినిమా కోసం ఆతృతగా ఎదురుచూస్తున్నారు. ఇక బాలీవుడ్‌ మిస్టర్‌ పర్‌ఫెక్షనిస్ట్‌ అమీర్‌ఖాన్‌ అతిథి పాత్రలో నటించడం మరో ఆకర్షణ. ఈ నేపథ్యంలో ఆగస్ట్‌ 14న ‘కూలీ’ విడుదలకు సిద్ధమవుతున్నది. ప్రతీకార నేపథ్యంలో ైస్టెలిష్‌ గ్యాంగ్‌స్టర్‌ డ్రామాగా ఈ చిత్రాన్ని తెరకెక్కించారని తెలిసింది. ఇందులో దేవాగా రజనీకాంత్‌, సైమన్‌ పాత్రలో నాగార్జున కనిపించనున్నారు.
కాగా ఈ సినిమా తెలుగు హక్కులను ఏషియన్‌ మల్టీప్లెక్సెస్‌ ప్రై లిమిటెడ్‌ సొంతం చేసుకుంది. ఇప్పటికే విడుదలైన ప్రచార చిత్రాలకు అద్భుతమైన స్పందన లభిస్తున్నదని, త్వరలో ప్రమోషన్స్‌ ఆరంభిస్తామని మేకర్స్‌ తెలిపారు. ఈ చిత్రానికి సంగీతం: అనిరుధ్‌ రవిచందర్‌, నిర్మాణ సంస్థ: సన్‌ పిక్చర్స్‌, నిర్మాత: కళానిధి మారన్‌, రచన-దర్శకత్వం: లోకేష్‌ కనగరాజ్‌.
