రాజ్‌తరుణ్‌ ‘భలే ఉన్నాడే’

సంక్రాంతి బరిలో దిగిన ‘నా సామిరంగ’ చిత్రంలో కీలకమైన పాత్రలో మెప్పించారు యువ హీరో రాజ్‌తరుణ్‌. ఆయన నటిస్తున్న తాజా చిత్రానికి ‘భలే ఉన్నాడే’ అనే టైటిల్‌ను ఖరారు చేశారు.

సంక్రాంతి బరిలో దిగిన ‘నా సామిరంగ’ చిత్రంలో కీలకమైన పాత్రలో మెప్పించారు యువ హీరో రాజ్‌తరుణ్‌. ఆయన నటిస్తున్న తాజా చిత్రానికి ‘భలే ఉన్నాడే’ అనే టైటిల్‌ను ఖరారు చేశారు. దర్శకుడు మారుతి టీమ్‌ ప్రొడక్ట్‌ సమర్పిస్తున్న ఈ చిత్రాన్ని రవికిరణ్‌ ఆర్ట్స్‌ పతాకంపై ఎన్వీ కిరణ్‌ కుమార్‌ నిర్మిస్తున్నారు. జే.శివసాయివర్ధన్‌ దర్శకత్వం వహిస్తున్నారు. ఆదివారం ఫస్ట్‌లుక్‌ను విడుదల చేశారు. ఇందులో రాజ్‌తరుణ్‌ చిరునవ్వులు చిందిస్తూ ఉల్లాసంగా కనిపిస్తున్నారు. ఈ సినిమాలో సీనియర్‌ దర్శకులు సింగీతం శ్రీనివాస రావు కీలక పాత్రలో కనిపించనున్నారు. మనీషా కంద్కూర్‌, అభిరామి, అమ్ము అభిరామి, లీలా శాంసన్‌, హైపర్‌ ఆది, కృష్ణ భగవాన్‌, గోపరాజు రమణ తదితరులు నటిస్తున్న ఈ చిత్రానికి కెమెరా: నగేష్‌ బానెల్‌, సంగీతం: శేఖర్‌చంద్ర, ఆర్ట్‌: సురేష్‌ భీమగాని, రచన-దర్శకత్వం: జె.శివసాయివర్ధన్‌.