విదేశాలకు ‘పుష్ప-2’

అల్లు అర్జున్‌ కథానాయకుడిగా సుకుమార్‌ దర్శకత్వంలో రూపొందిన ‘పుష్ప’ చిత్రం దేశవ్యాప్తంగా సంచలన విజయం సాధించిన విషయం తెలిసిందే. దీంతో ‘పుష్ప-2’ (ది రూల్‌) చిత్రంపై భారీ అంచనాలేర్పడ్డాయి. అల్లు అర్జున్‌ జన్మదినోత్సవాన్ని పురస్కరించుకొని గత నెలలో విడుదల చేసిన ‘హంట్‌ ఫర్‌ పుష్ప’ కాన్సెప్ట్‌ వీడియో సోషల్‌మీడియాలో రికార్డు వీక్షణలతో సంచలనం సృష్టించింది.

అల్లు అర్జున్‌ కథానాయకుడిగా సుకుమార్‌ దర్శకత్వంలో రూపొందిన ‘పుష్ప’ చిత్రం దేశవ్యాప్తంగా సంచలన విజయం సాధించిన విషయం తెలిసిందే. దీంతో ‘పుష్ప-2’ (ది రూల్‌) చిత్రంపై భారీ అంచనాలేర్పడ్డాయి. అల్లు అర్జున్‌ జన్మదినోత్సవాన్ని పురస్కరించుకొని గత నెలలో విడుదల చేసిన ‘హంట్‌ ఫర్‌ పుష్ప’ కాన్సెప్ట్‌ వీడియో సోషల్‌ మీడియాలో రికార్డు వీక్షణలతో సంచలనం సృష్టించింది. దీంతో ఈ చిత్రానికి సంబంధించిన తాజా అప్‌డేట్‌ కోసం అభిమానులు ఆసక్తిగా ఎదురుచూస్తున్నారు.

తాజా సమాచారం ప్రకారం ప్రస్తుతం ఈ సినిమా షూటింగ్‌ మారేడుమిల్లి, ఒడిశా పరిసర ప్రాంతాల్లో జరుగుతున్నదని తెలిసింది. ప్రధాన తారాగణంపై కీలక ఘట్టాలను తెరకెక్కిస్తున్నారు.. ఈ షెడ్యూల్‌ అనంతరం విదేశాల్లో షూటింగ్‌కు సన్నాహాలు చేస్తున్నట్లు తెలిసింది. యూరప్‌తో పాటు బ్యాంకాక్‌లో కొన్ని కీలకమైన ఎపిసోడ్స్‌ను తెరకెక్కించబోతున్నారని సమాచారం. రష్మిక మందన్న, ఫహద్‌ ఫాజిల్‌, ధనుంజయ, రావు రమేష్‌, సునీల్‌, అనసూయ భరద్వాజ్‌ తదితరులు నటిస్తున్న ఈ చిత్రానికి దేవిశ్రీప్రసాద్‌ సంగీతాన్నందిస్తున్నారు. మైత్రీ మూవీ మేకర్స్‌ సంస్థ నిర్మిస్తున్నది.