RRR | ‘ఆర్ఆర్ఆర్‌’లోని కొమ్మ ఉయ్యాల‌.. అంటూ పాట పాడిన గాయ‌ని ఎవ‌రో తెలుసా?

ఇండియాలో ప్ర‌స్తుతం 'ఆర్ఆర్ఆర్' హ‌వా న‌డుస్తుంది. ఏ థియేట‌ర్లో చూసినా ట్రిపుల్ఆర్ బొమ్మే. చిత్రంలోని కొమ్మ ఉయ్యాల‌.. కోన జంపాలా పాట ప్రేక్ష‌కుల‌ను విప‌రీతంగా ఆక‌ట్టుకుంది.

April 1, 2022 / 01:25 PM IST

RRR | ‘ఆర్ఆర్ఆర్‌’లోని కొమ్మ ఉయ్యాల‌.. అంటూ పాట పాడిన గాయ‌ని ఎవ‌రో తెలుసా?

RRR Singer | ఇండియాలో ప్ర‌స్తుతం ‘ఆర్ఆర్ఆర్’ హ‌వా న‌డుస్తుంది. ఏ థియేట‌ర్లో చూసినా ట్రిపుల్ఆర్ బొమ్మే. జ‌క్క‌న్న రాజ‌మౌళి తెర‌కెక్కించిన ఈ బిగ్గెస్ట్ యాక్ష‌న్‌ డ్రామా చిత్రాన్ని చూసేందుకు ప్రేక్ష‌కులు థియేట‌ర్ల‌కు ప‌రుగులు తీస్తున్నారు. సౌత్ నుంచి నార్త్ వ‌ర‌కు క‌లెక్ష‌న్ల ప్ర‌భంజ‌నం సృష్టిస్తుంది. చ‌ర‌ణ్‌, తార‌క్‌ల న‌ట‌న‌ను చూసేందుకు ప్రేక్ష‌కులు బ్ర‌హ్మ‌ర‌థం ప‌డుతున్నారు. ఇటీవ‌లే బాలీవుడ్‌లో వంద కోట్ల క్ల‌బ్‌లోకి చేరి బాలీవుడ్ సినీ విశ్లేష‌కుల‌ను సైతం ఆశ్చ‌ర్యంలో ముంచెత్తింది. ఈ చిత్రం ఎంత విజ‌యం సాధించిందో, పాట‌లు కూడా అంతే విజ‌యాన్ని సాధించాయి. ముఖ్యంగా ఈ చిత్రంలోని కొమ్మ ఉయ్యాల‌.. కోన జంపాలా పాట ప్రేక్ష‌కుల‌ను విప‌రీతంగా ఆక‌ట్టుకుంది.

ట్రిపుల్ఆర్ చిత్రంలో మ‌ల్లి అనే గిరిజ‌న పాప ఈ పాట‌ను ఆల‌పిస్తుంది. చిత్రానికి ముందు ఈ పాట‌ను మేక‌ర్స్ విడుద‌ల‌చేయ‌లేరు. థియేట‌ర్‌కు వెళ్ళిన ప్రేక్ష‌కులకు స‌ర్‌ప్రైజ్‌గా ఈ పాట విపరీతంగా న‌చ్చేసింది. దాంతో ఈ పాట లిరిక‌ల్ సాంగ్‌ను విడుద‌ల చేయాల‌ని ప్రేక్ష‌కులు సోష‌ల్ మీడియా ద్వారా మేక‌ర్స్‌ను కోరుతున్నారు. ఈ పాట పాడింది ఎవ‌రా అని గూగుల్‌లో తెగ స‌ర్చ్ చేస్తున్నారు. అయితే ఈ పాట‌ను ఆల‌పించిన చిన్నారి గాయ‌ని పేరు ప్ర‌కృతి రెడ్డి. క‌ర్ణాట‌క‌లోని బ‌ళ్ళారిలో పుట్టిన ప్ర‌కృతి క‌న్న‌డ‌తో పాటు తెలుగు, త‌మిళం, హిందీ భాష‌ల్లోనూ పాట‌లు పాడుతుంది. బుల్లితెర‌పై ప్ర‌సారమ‌య్యే ప‌లు సింగింగ్ రియాలిటీ షోల‌ల్లో కూడా పాల్గొంది. ప్ర‌కృతి ప‌లు రియాలిటీ షోల‌లో పాడిన పాట‌లు ప్ర‌స్తుతం వైర‌ల్ అవుతున్నాయి.