స్పిరిట్‌ సెట్లో పోరాటాలు

పానిండియా అగ్రనటుడు ప్రభాస్‌ నటించిన ‘ది రాజాసాబ్‌' సినిమా జనవరి 9న సంక్రాంతి కానుకగా విడుదల కానుంది. తర్వాతి సినిమా ‘ఫౌజీ’కి సంబంధించిన తన భాగాన్ని సైతం ప్రభాస్‌ పూర్తిచేశారు.

పానిండియా అగ్రనటుడు ప్రభాస్‌ నటించిన ‘ది రాజాసాబ్‌’ సినిమా జనవరి 9న సంక్రాంతి కానుకగా విడుదల కానుంది. తర్వాతి సినిమా ‘ఫౌజీ’కి సంబంధించిన తన భాగాన్ని సైతం ప్రభాస్‌ పూర్తిచేశారు. ఈ సినిమా వేసవిలో గానీ, దసరాకు గానీ విడుదల కావొచ్చని అంచనా. ప్రస్తుతం ప్రభాస్‌ ‘స్పిరిట్‌’ షూటింగ్‌లో బిజీగా ఉన్నారు.

ఈ సినిమా కోసం నిర్మించిన ఖరీదైన భారీ సెట్స్‌లో దర్శకుడు సందీప్‌రెడ్డి వంగా కీలకమైన సన్నివేశాలను తీస్తున్నారు. ప్రభాస్‌, ప్రకాశ్‌రాజ్‌లపై చిత్రీకరణ జరుగుతున్నది. నిరవధికంగా 20రోజుల పాటు సాగే ఈ షెడ్యూల్‌లో ప్రభాస్‌పై పరిచయ గీతాన్ని కూడా తెరకెక్కిస్తారట. అలాగే.. 200మంది ఫైటర్స్‌తో భారీ పోరాట సన్నివేశాన్ని కూడా ఈ షెడ్యూల్‌లోనే పూర్తి చేస్తారట.

ఈ ఎపిసోడ్‌ చిత్రానికే హైలైట్‌గా నిలుస్తుందని చిత్రవర్గాలు చెబుతున్నాయి. ఇందులో ప్రభాస్‌ ఇప్పటివరకూ చూడని కొత్త అవతార్‌లో దర్శనమిస్తాడని, ప్రభాస్‌ అభిమానులకు ఎప్పటికీ గుర్తుండిపోయేలా ఈ సినిమా నిలుస్తుందని మేకర్స్‌ చెబుతున్నారు. త్రిప్తి డిమ్రీ కథానాయికగా నటిస్తున్న ఈ చిత్రానికి సంగీతం: హర్షవర్ధన్‌ రామేశ్వర్‌, నిర్మాణం: టీ సిరీస్‌, భద్రకాళి పిక్చర్స్‌.