టాలీవుడ్ (Tollywood) డాషింగ్ డైరెక్టర్ పూరీ జగన్నాథ్ (Puri Jagannadh) లైగర్ సినిమా ఆగస్టులో ప్రేక్షకుల ముందుకు రాబోతున్న విషయం తెలిసిందే. ఈ ప్రాజెక్టు రిలీజ్ కాకముందే విజయ్ దేవరకొండ (Vijay Deverakonda)తో రెండో సినిమా జనగణమన (Jana Gana Mana) లాంఛ్ చేసేశాడు. పాన్ ఇండియా కథాంశంతో వస్తున్న ఈ చిత్రాన్ని ఛార్మీ, వంశీపైడి పల్లి, పూరి జగన్నాథ్ సంయుక్తంగా నిర్మిస్తున్నారు. ఈ మూవీ తెలుగు, తమిళం, హిందీ, మలయాళ, కన్నడ భాషల్లో గ్రాండ్గా విడుదల కానుంది.
కాగా ఈ ప్రాజెక్టులో అందాల భామ పూజాహెగ్డే (Pooja Hegde) ఫీ మేల్ లీడ్ రోల్లో దాదాపు కన్ఫామ్ అయింది. దీనిపై అధికారిక ప్రకటన ఒక్కటే పెండింగ్లో ఉన్నట్టు తాజా టాక్. కాగా పూజాహెగ్డే ఎప్పుడు షూట్లో చేరబోతుందనే దానిపై ఓ ఇంట్రెస్టింగ్ అప్డేట్ బయటకు వచ్చింది. పూరీ జగన్నాథ్ ఈ చిత్రంలో పూజాహెగ్డే అల్ట్రా గ్లామరస్ రోల్లో చూపించబోతున్నాడట పూరీ. అంతేకాదు పూజాహెగ్డే జులై నుంచి పూరీ అండ్ విజయ్ టీంతో జాయిన్ కాబోతుందట. జగగణమన 2023లో విడుదల కానుంది.
పూజాహెగ్డే మరోవైపు తెలుగు మల్టీస్టారర్ ఎఫ్ 3లో స్పెషల్ సాంగ్ చేస్తోంది. దీంతోపాటు సల్మాన్ ఖాన్ తో కలిసి కభీ ఈద్ కభీ దివాళి చిత్రంలో ఫీ మేల్ లీడ్ రోల్ చేస్తోంది. పలు సినిమాలు డిస్కషన్ దశలో ఉన్నాయి.