Peddi | పెద్ది’ ఈవెంట్‌కు భారీ క్రేజ్.. భోపాల్‌లో రామ్ చరణ్‌కు నార్త్ ఇండియా పవర్ టెస్ట్?

Peddi | మెగా పవర్ స్టార్ రామ్ చరణ్ హీరోగా, జాన్వీ కపూర్ హీరోయిన్‌గా యువ దర్శకుడు బుచ్చిబాబు సానా తెరకెక్కిస్తున్న భారీ పాన్ ఇండియా చిత్రం ‘పెద్ది’పై ప్రేక్షకుల్లో ఇప్పటికే భారీ అంచనాలు నెలకొన్నాయి. గ్రామీణ నేపథ్యంతో స్పోర్ట్స్ యాక్షన్ డ్రామాగా రూపొందుతున్న ఈ సినిమా అనౌన్స్ చేసినప్పటి నుంచే మంచి హైప్‌ను సొంతం చేసుకుంది.

Peddi | మెగా పవర్ స్టార్ రామ్ చరణ్ హీరోగా, జాన్వీ కపూర్ హీరోయిన్‌గా యువ దర్శకుడు బుచ్చిబాబు సానా తెరకెక్కిస్తున్న భారీ పాన్ ఇండియా చిత్రం ‘పెద్ది’పై ప్రేక్షకుల్లో ఇప్పటికే భారీ అంచనాలు నెలకొన్నాయి. గ్రామీణ నేపథ్యంతో స్పోర్ట్స్ యాక్షన్ డ్రామాగా రూపొందుతున్న ఈ సినిమా అనౌన్స్ చేసినప్పటి నుంచే మంచి హైప్‌ను సొంతం చేసుకుంది. ఫస్ట్ లుక్ పోస్టర్లు, గ్లింప్స్, టీజర్ ఇప్పటికే ప్రేక్షకులను ఆకట్టుకోగా, ఇప్పుడు సినిమాకు సంబంధించిన భారీ ఈవెంట్ మరింత ఆసక్తిని పెంచుతోంది. ఈ సినిమా కోసం నేడు భోపాల్‌లో భారీ స్థాయిలో ప్రత్యేక కార్యక్రమాన్ని నిర్వహిస్తున్నట్లు సమాచారం. ఈ ఈవెంట్‌లో ప్రముఖ సంగీత దర్శకుడు ఏఆర్ రెహమాన్ లైవ్ ప్రదర్శనతో పాటు సినిమాలోని కొత్త పాటను కూడా విడుదల చేయనున్నట్లు తెలుస్తోంది. దీంతో ఈ కార్యక్రమంపై అభిమానుల్లో భారీ ఉత్సాహం నెలకొంది.

అయితే ప్రస్తుతం ఈ ఈవెంట్‌కు సంబంధించిన మరో వార్త సోషల్ మీడియాలో వైరల్‌గా మారింది. నిర్వాహకులు ఊహించిన దానికంటే చాలా పెద్ద స్థాయిలో ఏర్పాట్లు చేస్తున్నట్లు ప్రచారం జరుగుతోంది. అంతేకాకుండా దాదాపు లక్ష మందికి పైగా అభిమానులు ఈ కార్యక్రమానికి హాజరయ్యే అవకాశాలు ఉన్నాయనే చర్చ కూడా సినీ వర్గాల్లో వినిపిస్తోంది. ఒకవేళ ఈ అంచనాలు నిజమైతే, గతంలో ఐకాన్ స్టార్ అల్లు అర్జున్ ‘పుష్ప 2’ కోసం పాట్నాలో నిర్వహించిన భారీ ఈవెంట్‌కు సమానమైన స్పందన దక్కే అవకాశం ఉందని సినీ విశ్లేషకులు భావిస్తున్నారు. ఆ కార్యక్రమం ద్వారా ఉత్తరాదిలో తెలుగు హీరోలకు ఉన్న ఆదరణ ఏ స్థాయిలో ఉందో స్పష్టమైంది.

ఇప్పుడు అదే తరహా స్పందన రామ్ చరణ్‌కు కూడా దక్కుతుందా అనే ఆసక్తి అభిమానుల్లో కనిపిస్తోంది. ముఖ్యంగా ‘ఆర్ఆర్ఆర్’ తర్వాత రామ్ చరణ్‌కు దేశవ్యాప్తంగా ప్రత్యేక గుర్తింపు రావడంతో, ఉత్తరాదిలో ఆయన మార్కెట్ ఎంత మేర పెరిగిందో ఈ ఈవెంట్ ద్వారా అంచనా వేయవచ్చని ట్రేడ్ వర్గాలు భావిస్తున్నాయి. మరోవైపు ‘పెద్ది’ సినిమాను మేకర్స్ భారీ స్థాయిలో తెరకెక్కిస్తున్నారు. కథ, నటీనటులు, సంగీతం, నిర్మాణ విలువల పరంగా ఈ చిత్రాన్ని పాన్ ఇండియా స్థాయిలో నిలబెట్టే ప్రయత్నాలు జరుగుతున్నాయి. ఇక భోపాల్‌లో జరగనున్న ఈ కార్యక్రమానికి అభిమానుల నుంచి ఎలాంటి స్పందన వస్తుందన్నది ఇప్పుడు ఆసక్తికరంగా మారింది.