Prabhas | ప్రభాస్ సినీ ప్రస్థానానికి 20ఏళ్లు.. ‘యంగ్ రెబల్‌ స్టార్‌’ టు ‘పాన్‌ ఇండియా స్టార్’ జర్నీ..!

Prabhas @ 20 years| అర్జునుడి లాంటి రూపం, భీముడు లాంటి బలం, అభిమన్యుడు లాంటి పౌరుషం, రాముడి లాంటి గుణం, కృష్ణుడు లాంటి సంభావాహనం.. వీటిన్నిటికి కలిపి పేరు పెడితే అది ప్రభాస్ అంటూ 'బహుబలి' వేడుకలో రచయిత విజయేంద్ర ప్రసాద్‌, ప్రభాస్‌ గురించి వర్ణించిన తీరు.. అచ్చంగా అనిపిస్తుంటుంది.

Prabhas @ 20 years | అర్జునుడి లాంటి రూపం, భీముడు లాంటి బలం, అభిమన్యుడు లాంటి పౌరుషం, రాముడి లాంటి గుణం, కృష్ణుడు లాంటి సంభావాహనం.. వీటిన్నిటికి కలిపి పేరు పెడితే అది ప్రభాస్ అంటూ ‘బహుబలి’ వేడుకలో రచయిత విజయేంద్ర ప్రసాద్‌, ప్రభాస్‌ గురించి వర్ణించిన తీరు.. అచ్చంగా అనిపిస్తుంటుంది. ఆరుపలకల దేహంతో, ఆరడుగుల ఎత్తుతో.. అసలు హీరో కటౌట్‌ అంటే ఇలా ఉండాలి కదా అనుకునే రూపం ప్రభాస్‌ది. నేటితో ప్రభాస్ సినీ ప్రస్తానానికి 20సంవత్సరాలు. సరిగ్గా ఇదే రోజున నవంబర్‌ 11, 2002న ప్రభాస్‌ నటించిన ఈశ్వర్‌ రిలీజైంది.

మొదటి సినిమాతో ప్రభాస్‌ అందరి దృష్టిని ఆకర్షించాడు. ‘ఈశ్వర్‌’ బాక్సాఫీస్‌ దగ్గర కమర్షియల్‌ సక్సెస్‌ కాలేకపోయినా.. ప్రభాస్‌ నటనకు మంచి మార్కులు పడ్డాయి. ఆ తర్వాత వచ్చిన ‘రాఘవేంద్ర’ ఫ్లాప్‌గా మిగిలింది. దాంతో అటు ప్రభాస్‌, ఇటు ఫ్యాన్స్ సందిగ్ధంలో పడ్డారు. కెరీర్‌ బిగెనింగ్‌లోనే ఇలా వరుసగా రెండు సినిమాలు ఫ్లాప్ అవడం తీవ్ర నిరాశకు గురిచేసింది. ఈ క్రమంలో ‘వర్షం’తో తోలి హిట్టును సాధించాడు.  ఈ చిత్రం ప్రభాస్‌కు స్టార్‌డమ్‌ తెచ్చిపెట్టింది. రిలీజ్‌ టైంలో ఈ సినిమా రూ.18 కోట్ల షేర్‌ సాధించింది.

‘వర్షం’ వంటి బ్లాక్ బస్టర్ హిట్‌ తర్వాత మళ్ళీ ‘అడివి రాముడు’, ‘చక్రం’ బ్యాక్‌ టు బ్యాక్‌ ఫ్లాప్‌లు వచ్చాయి. ఈ క్రమంలో ప్రభాస్, రాజమౌళితో కలిసి ‘ఛత్రపతి’ సినిమా చేశాడు. ఈ మూవీ ప్రభాస్‌కు విపరీతమైన క్రేజ్‌ తెచ్చిపెట్టింది. అదే జోరులో ప్రభాస్‌ వరుసగా ‘పౌర్ణమి’, ‘యోగి’, ‘మున్నా’ సినిమాలను నెలల గ్యాప్‌లోనే రిలీజ్‌ చేశాడు. అయితే అవి కాస్త బాక్సాఫీస్‌ దగ్గర బోల్తా కొట్టాయి. అప్పుడే పూరి దర్శకత్వంలో ‘బుజ్జిగాడు’ సినిమా వచ్చింది. ఈ చిత్రం కమర్షియల్‌ ఫేయిల్యూర్‌గా మిగిలిన.. ప్రభాస్‌ క్యారెక్టరైజేషన్‌కు విపరీతమైన రెస్పాన్స్ వచ్చింది. ఇప్పటికి చాలా మంది ఫ్యాన్స్‌కు బుజ్జిగాడు ఫేవరైట్‌. ఈ సినిమా తర్వాత మెహర్ రమేష్‌ దర్శకత్వంలో ‘బిల్లా’ సినిమా చేశాడు.

ప్రభాస్‌ కెరీర్‌లో అండర్‌ రేటెడ్‌ మూవీస్‌లో ఈ చిత్రం మొదటి స్థానంలో ఉంటుంది. బిల్లాగా, రంగాగా రెండు పాత్రల్లో విభిన్న వేరియేషన్‌తో ప్రేక్షకులను ఫిదా చేశాడు. ముఖ్యంగా అండర్‌వల్డ్‌ డాన్‌గా ప్రభాస్ నటన వర్ణానాతీతం. స్టైలిష్‌ డాన్‌గా ప్రభాస్‌ టాలీవుడ్‌కు ఓ బెంచ్‌ మార్కు క్రియేట్‌ చేశాడు. ఈ చిత్రం బాక్సాఫీస్ దగ్గర భారీ వసూళ్ళను సాధించకపోయినా.. ప్రభాస్‌ ఫ్యాన్స్‌కు కాలర్‌ ఎగిరేసుకునే సినిమాగా మిగిలింది. ఇక బుజ్జిగాడు తర్వాత మళ్ళీ ఆ కాంబోలో సినిమా వస్తే బాగుంటు అనుకుంటున్న టైమ్‌లో పూరి, ప్రభాస్‌తో ‘ఏక్‌ నిరంజన్‌’ సినిమా తెరకెక్కించాడు. ఈ చిత్రం అటు కమర్షియల్‌గాను, ఇటు ప్రేక్షకులను గాను ఏమాత్రం మెప్పించలేకపోయింది.

ఇక అప్పుడే ‘డార్లింగ్’, ‘Mr.పర్‌ఫెక్ట్‌’ వంటి బ్యాక్‌ టు బ్యాక్‌ హిట్లతో  ప్రభాస్‌ తిరిగి హిట్‌ ట్రాక్‌లోకి వచ్చాడు. ఈ రెండు చిత్రాలు ప్రభాస్‌కు ఫ్యామిలీ ఆడియెన్స్‌లో మంచి గుర్తింపు తీసుకొచ్చాయి. కమర్షియల్‌ గానూ ఈ రెండు సినిమాలు బ్లాక్‌బస్టర్‌ విజయాలు సాధించి ప్రభాస్‌ మార్కెట్‌ను అమాంతం పెంచాయి. బ్యాక్‌ టు బ్యాక్‌ హిట్లతో జోరుమీదున్న ప్రభాస్‌కు ‘రెబల్‌’ మూవీ బ్రేకులు వేసింది. లారెన్స్‌ దర్శకత్వం వహించిన ఈ చిత్రం ప్రభాస్‌ కెరీర్‌లోనే బిగ్గెస్ట్‌ డిజాస్టర్‌గా మిగిలింది. ఇక ఈ సినిమా రిలీజైన 5 నెలలకే ప్రభాస్‌ ‘మిర్చి’తో ప్రేక్షకులను పలుకరించాడు. ఈ చిత్రం ప్రభాస్‌ కెరీర్‌లోనే బిగ్గెస్ట్‌ హిట్‌గా నిలిచింది. ఈ మూవీలో ప్రభాస్‌ లుక్స్ గాని, పర్‌ఫార్మెన్స్‌ గాని వేరే లెవల్లో ఉంటాయి. ఈ సినిమా టైమ్‌లో ప్రభాస్‌ డ్రెస్సింగ్ స్టైల్‌ ట్రెండింగ్‌లో ఉండేది.

‘మిర్చి’ తర్వాత ప్రభాస్‌ రెండేళ్ళకు ‘బాహుబలి’తో వచ్చాడు. ఈ చిత్రంతో ప్రభాస్‌కు అంతర్జాతీయ స్థాయిలో గుర్తింపు వచ్చింది. ఈ సినిమాతో ప్రభాస్‌ తొలి పాన్‌ ఇండియా హీరోగా నిలిచాడు. ‘బాహుబలి’తో టాలీవుడ్‌ సినిమాను అంతర్జాతీయ స్థాయిలో నిలబెట్టాడు. అప్పటి వరకు నార్త్‌లో తెలుగు సినిమాలకు అంతగా క్రేజ్‌ ఉండేది కాదు. బాహుబలితో ఒక్క సారిగా నార్త్‌లో సౌత్‌ సినిమాల సత్తా ఎంటో నిరూపణ అయింది. ఇక ఇదే జోరులో మరో రెండేళ్లుకు ‘బాహుబలి-2’ ను రిలీజ్‌ చేశాడు. ఇక ఈ చిత్రంతో ప్రభాస్‌ టాలీవుడ్‌ స్థాయిని అమాంతం పెంచాడు. రాజమౌళి అద్భుత డైరెక్షన్‌కు‌, ప్రభాస్‌ నటనకు ఫిదా అవని ప్రేక్షకుడు లేడు. ఈ సినిమాతో ప్రభాస్ క్రేజ్ ఖండాంతరాలు దాటింది. ముఖ్యంగా నార్త్‌లో ప్రభాస్‌కు విపరీతమైన ఫ్యాన్ ఫాలోయింగ్‌ పెరిగింది.

రాజమౌళితో సినిమా చేస్తే ఆ తర్వాత సినిమా ఖచ్చితంగా ఫ్లాప్ అనే ఒక నమ్మకం టాలీవుడ్‌లో ఉంది. అయితే దాన్ని ప్రభాస్ ‘సాహో’తో బ్రేక్‌ చేశాడు. సుజీత్‌ దర్శకత్వం వహించిన ఈ చిత్రం తెలుగులో ఆశించిన స్థాయిలో హిట్టు కాలేకపోయినా.. బాలీవుడ్‌లో మాత్రం ఘన విజయం సాధించింది. ప్రభాస్‌ క్రేజ్‌ ముందు ఖాన్‌, కపూర్‌ల సినిమాలు నిలవలేకపోయాయి. ఫ్లాప్ టాక్‌తోనే రూ.450 కోట్ల కలెక్షన్‌లు సాధించిన మొదటి హీరోగా ప్రభాస్ సరికొత్త రికార్డు క్రియేట్‌ చేశాడు.

‘సాహో’ తర్వాత ప్రభాస్‌ ఈ ఏడాది ‘రాధేశ్యామ్‌’తో ప్రేక్షకులను పలకరించాడు. ఈ మూవీ రిలీజ్ రోజు నుండి నెగెటీవ్‌ టాక్‌ తెచ్చుకుంది. ప్రభాస్‌ కెరీర్‌లో మరో బిగ్గెస్ట్‌ ఫ్లాప్‌గా మిగిలింది. ఈ సినిమా ఫలితం ప్రభాస్‌ను తీవ్రంగా నిరాశపరిచింది. ప్రస్తుతం ప్రభాస్‌ ఆశలన్ని ‘ఆదిపురుష్‌’ పైనే ఉన్నాయి. ఓం రౌత్‌ దర్శకత్వం వహించిన ఈ చిత్రం మైథలాజికల్‌ కాన్సెప్ట్‌తో తెరకెక్కింది. ముందుగా ఈ చిత్రాన్ని సంక్రాంతి కానుకుగా రిలీజ్‌ చేయాలని మేకర్స్ భావించారు. అయితే టీజర్‌కు మిశ్రమ స్పందన రావడంతో వీఎఫ్‌ఎక్స్‌పై మరింత శ్రద్ద పెట్టాలిని జూన్‌కు పోస్ట్‌ పోన్‌ చేశారు.

ప్రభాస్‌ 20ఏళ్ల ప్రస్థానంలో హిట్ల కంటే ఫ్లాప్‌లే ఎక్కువగా ఉంటాయి. అయితే క్రేజ్‌లో మాత్రం ప్రభాస్‌కు పోటీలేదు. ఫలితం ఎలా ప్రభాస్‌ సినిమా వస్తుందంటే ఆ రోజు మరో పండగ వాతావరణమే కనిపిస్తుంది. ఇండియాలోనే అత్యధిక రెమ్యనరేషన్ తీసుకుంటున్న హీరోగా ప్రభాస్ సరికొత్త రికార్డు సృష్టించాడు. ప్రస్తుతం ప్రభాస్‌ ‘సలార్‌’, ‘ప్రాజెక్ట్‌-K’ చిత్రాలు చేస్తున్నాడు. ఈ రెండు చిత్రాలు అత్యంత భారీ బడ్జెట్‌తో తెరకెక్కుతున్నాయి.