Nikhil First Remuneration | కాన్సెప్ట్ ఓరియెంటెడ్ సినిమాలను ఎంచుకుంటూ ఇండస్ట్రీలో ప్రత్యేక గుర్తింపు తెచ్చుకున్నాడు నిఖిల్. ఈయన నుండి సినిమా వస్తుందంటే ప్రేక్షకులు కూడా మినిమం గ్యారెంటీ అని అంటుంటారు. హ్యపిడేస్తో టాలీవుడ్లో మంచి గుర్తింపు తెచ్చుకున్న నిఖిల్.. ఆ తర్వాత హీరోగా వరుస ఫేయిల్యూర్స్ను చూశాడు. ఈ క్రమంలోనే ఇక నిఖిల్ ఇండస్ట్రీలో నిలదొక్కుకోవడం కష్టమే అని అంతా భావించారు. కానీ 2013లో వచ్చిన ‘స్వామి రారా’తో గ్రాండ్ కంబ్యాక్ ఇచ్చాడు. కంటెంట్ పరంగా, కమర్షియల్ పరంగా ఈ చిత్రం భారీ విజయం సాధించింది. ఈ చిత్రంతో నిఖిల్ కథల ఎంపికలో కూడా చాలా మార్పు వచ్చింది. ఈ చిత్రం తర్వాత కేవలం కంటెంట్ ఓరియెంటెడ్ సినిమాలను చేస్తూ ప్రేక్షకులలో మంచి క్రేజ్ తెచ్చుకున్నాడు.
అయితే నిఖిల్ నుండి సినిమా వచ్చి దాదాపు మూడేళ్ళు దాటింది. 2019లో వచ్చిన అర్జున్ సురవరం తర్వాత ఇప్పటివరకు ఈయన నుండి మరో సినిమా రాలేదు. ఈ మూడేళ్ళ గ్యాప్ను పూర్తి చేసేందుకు నిఖిల్ వరుసగా సినిమాలను ఒప్పుకుంటున్నాడు. ప్రస్తుతం ఈయన చేతిలో నాలుగు సినిమాలున్నాయి. అందులో ‘కార్తికేయ-2’ ఒకటి. చందు ముండేటి దర్శకత్వం వహించిన ఈ చిత్రం ఆగస్టు 12న విడుదల కానుంది. ఈ క్రమంలో మేకర్స్ ప్రమోషన్లను స్టార్ చేశారు. తాజాగా నిఖిల్ ప్రమోషన్లో భాగంగా పలు ఆసక్తికర విషయాలను వెల్లడించాడు.
నిఖిల్ ‘కార్తికేయ-2’ ప్రమోషన్లలో తన ఫస్ట్ రెమ్యునరేషన్ గురించి చెప్పాడు. ‘హ్యాపిడేస్’ చిత్రానికి దర్శకుడు శేఖర్ కమ్ముల రూ. 25000 ఇచ్చినట్లు తెలిపాడు. అంతేకాకుండా హ్యాపిడేస్కు ముందు నిఖిల్ యాక్టర్ అవడానికి 1లక్ష రూపాయలు మేకర్స్కు ఇచ్చాడట. డబ్బులు ఇస్తేనే ఆడియషన్లో సెలక్ట్ అవుతావు అనడంతో నిఖిల్ అంత మొత్తాన్ని పే చేశాడట. ఇక ఇటీవలే జరిగిన మరో ఇంటర్వూలో కూడా కార్తికేయ-2 సినిమాను పోస్ట్ పోన్ చేయాలని చెబుతున్నట్లు తెలిపాడు. బ్యాక్గ్రౌండ్ లేకపోతే ఇండస్ట్రీలో సినిమా రిలీజ్ చాలా కష్టమని సంచలన వ్యాఖ్యలు చేసిన విషయం తెలిసిందే.