అదరగొట్టే స్టైయిల్.. దిమ్మతిరిగే మ్యానరిజంతో బాక్సాఫీస్ని షేక్ చేసే సత్తా రజనీకాంత్కి ఉంది. బస్ కండక్టర్ నుండి దాదాసాహెబ్ ఫాల్కే అవార్డు వరకు రజనీకాంత్ నట ప్రస్థానం సాగింది. ఈ మధ్యలో ఎన్నో కష్టాలు,నష్టాలు చవిచూశారు. అభిమానులని అలరించేందుకు ఇప్పటికీ సినిమాలు చేస్తున్న రజనీకాంత్ రీసెంట్గా అన్నాత్తె చిత్రంతో ప్రేక్షకులని పలకరించాడు. తెలుగులో ఈ చిత్రం పెద్దన్నగా విడుదలైంది.
రజనీకాంత్ సినిమా అంటే ఏ రేంజ్లో హంగామా ఉంటుందో ప్రత్యేకంగా చెప్పనక్కర్లేదు. గతంలో కొన్ని కంపెనీలు రజనీకాంత్ సినిమా చేసేందుకు సెలవులు కూడా ప్రకటించాయి. ఇప్పుడు అన్నాత్తె సినిమా కోసం చెన్నైలోని న్యూవే అనే కంపెనీ తమ ఉద్యోగులకు బంపర్ ఆఫర్ ఇచ్చింది. నవంబర్ 5న అంటే ఈరోజు తమ ఉద్యోగాలు ఆఫ్ డే లీవ్ ఇస్తున్నట్లుగా ప్రకటించింది. అంతేకాదు.. దీపావళి కానుకలుగా ఉద్యోగులకు అన్నాత్తే మూవీ ఫ్రీ టికెట్స్ ఇస్తున్నట్లుగా అనౌన్స్ చేసింది. ఈ విషయం తెలిసి మిగతా వారు కూడా తమకు ఇలాంటి ఆఫర్స్ వరిస్తే బాగుండని అనుకుంటున్నారు.
అన్నా చెల్లెలు అనుబంధం నేపథ్యంలో తెరకెక్కిన అన్నాత్తె మూవీలో కీర్తి సురేష్ రజినీ చెల్లెలుగా నటించింది. ఇక తలైవా సరసన నయనతార హీరోయిన్గా నటించగా.. మీనా, ఖుష్బూ కీలక పాత్రల్లో నటించారు. తొలి రోజు ఈ చిత్రం పెద్దగా కలెక్షన్స్ సాధించకపోవడం గమనర్హం.