Waltair Veerayya | చిరంజీవి వాల్తేరు వీరయ్య నుంచి కొత్త అప్‌డేట్

వాల్తేరు వీరయ్య (Waltair Veerayya)గా పక్కా వినోదాన్ని అందించేందుకు రెడీ అవుతున్నాడు. బాబీ (కేఎస్‌ రవీంద్ర) దర్శకత్వంలో వస్తున్న ఈ సినిమా నుంచి ఇంట్రెస్టింగ్ అప్డేట్ వచ్చింది.

మెగాస్టార్ చిరంజీవి (Chiranjeevi) మరికొన్ని రోజుల్లోనే వాల్తేరు వీరయ్య (Waltair Veerayya)గా పక్కా వినోదాన్ని అందించేందుకు రెడీ అవుతున్నాడు. బాబీ (కేఎస్‌ రవీంద్ర) దర్శకత్వంలో వస్తున్న ఈ సినిమా నుంచి ఇంట్రెస్టింగ్ అప్డేట్ వచ్చింది. వాల్తేరు వీరయ్య సెన్సార్ కార్యక్రమాలు పూర్తయ్యాయి. తాజా అప్‌డేట్ ప్రకారం సీబీఎఫ్‌సీ ఈ చిత్రానికి క్లీన్ యూ/ఏ సర్టిఫికెట్‌ను జారీ చేసింది. దీనికి సంబంధించిన అధికారిక ప్రకటన కూడా త్వరలోనే రానున్నట్టు సమాచారం.

వైజాగ్‌ ప్రీ రిలీజ్‌ ఈవెంట్‌ కోసం ఏర్పాట్లు వేగంగా కొనసాగుతున్నాయి. మైత్రీ మూవీ మేకర్స్ బ్యానర్‌ తెరకెక్కిస్తున్న ఈ మూవీలో బాలీవుడ్ బ్యూటీ ఊర్వశి రౌటేలా బాస్‌ పార్టీ స్పెషల్ సాంగ్‌లో మెరువబోతుంది. మాస్ మహారాజా రవితేజ పోలీసాఫీసర్‌ పాత్రలో నటిస్తున్నాడు. వాల్తేరు వీరయ్య నుంచి విడుదలైన బాస్‌ పార్టీ సాంగ్‌ ఇప్పటికే నెట్టింటిని షేక్ చేస్తోంది. దీంతోపాటు మిగిలిన పాటలు కూడా మూవీ లవర్స్ ను ఆకట్టుకుంటున్నాయి.

ఈ చిత్రంలో శృతిహాసన్‌ ఫీ మేల్ లీడ్ రోల్‌ పోషిస్తోంది. వాల్తేరు వీరయ్య టైటిల్‌ ట్రాక్‌ స్పెషల్ అట్రాక్షన్‌గా నిలువబోతున్నట్టు అర్థమవుతోంది. ఈ చిత్రానికి రాక్‌ స్టార్ దేవీ శ్రీ ప్రసాద్‌ సంగీతం అందిస్తున్నాడు. మాస్‌ యాక్షన్‌ ఎంటర్‌టైనర్‌గా వస్తున్న ఈ చిత్రం సంక్రాంతి కానుకగా జనవరి 13న థియేటర్లలో గ్రాండ్‌గా విడుదల కానుంది.

వాల్తేరు వీరయ్య టైటిల్ ట్రాక్‌ ..

వాల్తేరు వీరయ్య టైటిల్‌ టీజర్‌..

బాస్‌ పార్టీ లిరికల్ వీడియో సాంగ్‌..