‘అమ్మాయే సన్నగా..అరనవ్వే నవ్వగా..మతి తప్పీ కుర్రాళ్లే మంచాన పడ్డారే..’ ఖుషీ చిత్రంలో చంద్రబోస్ రాసిన ఈ పాట ఏరేంజ్లో పాపులర్ అయిందో అందరికీ తెలిసిందే. హీరోయిన్ అందాన్ని వర్ణిస్తూ హీరో పాడే పాట తెలుగు ప్రేక్షకులకు ఆల్ టైమ్ ఫేవరేట్. తాజాగా మంగళూరు భామ నేహా శెట్టి (Neha Shetty) ఇదే పాటను మరోసారి మూవీ అండ్ మ్యూజిక్ లవర్స్ కు గుర్తు చేస్తోంది. ఈ పాటకు సరిగ్గా సరిపోయేలా ఉన్నాయి నేహాశెట్టి తాజా స్టిల్స్ (Neha Shetty Saree stills).
ఇటీవలే సిద్దు జొన్నలగడ్డ హీరోగా వచ్చిన డీజే టిల్లు (DJ Tillu) చిత్రంలో ఫీ మేల్ లీడ్ రోల్లో కనిపించి..మంచి మార్కులు కొట్టేసింది నేహాశెట్టి. డీజే టిల్లు సక్సెస్ ను ఫుల్ ఎంజాయ్ చేస్తున్న నేహాశెట్టి అదిరిపోయే ఫొటోషూట్లో పాల్గొని..నెటిజన్లకు కంటి మీద కునుకు లేకుండా చేస్తుంది. నీలం రంగు చీర (blue colour saree), స్లీవ్లెస్ బ్లాక్ జాకెట్లో మెస్మరైజ్ చేస్తూ కెమెరాకు స్టన్నింగ్ ఫోజులిచ్చింది.
ఓ వైపు భారతీయ సంప్రదాయం ఉట్టిపడేలా..మరోవైపు అందానికే అసూయ పుట్టేలా నేహాశెట్టి దిగిన ఫొటోలు ఇపుడు నెట్టింట సెగలు రేపుతున్నాయి. ఈ బ్యూటీ నెక్ట్స్ ఎలాంటి సినిమా చేయబోతుందని ఆసక్తిగా ఎదురుచూస్తున్నారు మూవీ లవర్స్.