Dasara Movie Collections | ఎన్నో ఏళ్లుగా కమర్షియల్ సక్సెస్ కోసం ఎదురు చూస్తున్న నానికి ‘దసరా’ అలాంటి విజయాన్నే అందించింది. గురువారం విడుదలైన ఈ సినిమా తొలి ఆట నుంచి పాజిటీవ్ టాక్తో దూసుకపోతుంది. శ్రీకాంత్ ఓదెలా టేకింగ్, నాని నటనకు ప్రేక్షకులు వెర్రెత్తి పోయారు. ముఖ్యంగా ఇంటర్వెల్, క్లైమాక్స్ ఎపిసోడ్లో సీట్లలో ఒక్కరు కూడా కూర్చొలేదు. దర్శకుడిగా శ్రీకాంత్కు తొలి సినిమానే అయినా.. తన టేకింగ్, విజన్కు సినీ ప్రముఖులు సైతం ఆశ్చర్యపోతున్నారు. హీరోయిన్గా కీర్తి, కీలకపాత్రలో దీక్షిత్ శెట్టి ఇరగదీశారు. ఒక్క మాటలో చెప్పాలంటే అటు ఫ్యాన్స్కు ఇటు ప్రేక్షకులకు ధమ్ బిర్యానీ పెట్టేశాడు నాని.
రిలీజ్కు ముందు చేసిన హడావిడితో ఈ సినిమాపై ఎక్కడలేని బజ్ క్రియేట్ అయింది. అంచనాలకు ఏమాత్రం తగ్గకుండా తొలి రోజు రికార్డు కలెక్షన్లను నమోదయ్యాయి. నాని కెరీర్లోనే అత్యధిక కలెక్షన్లు సాధించిన సినిమాగా దసరా నిలిచింది. తొలిరోజు దసరా మూవీ రూ.24.85 కోట్ల గ్రాస్ను కలెక్ట్ చేసింది. నాని గత సినిమా అంటే సుందరానికి ఫైనల్గా రూ.25 కోట్లు కలెక్ట్ చేస్తే.. దసరా తొలి రోజే ఆ మార్కును అందుకుంది. ఇదే ఊపు కొనసాగితే ఫస్ట్ వీకెండ్ తిరిగేలోపే డిస్ట్రిబ్యూటర్లకు లాభాలు రావడం ఖాయం అని పలువురు భావిస్తున్నారు. సినిమా టిక్కెట్లు హాట్ కేకుల్లా అమ్ముడవుతున్నాయి.
పైగా దసరాకు పోటీగా చెప్పుకోదగ్గ సినిమాలేవి రిలీజ్ కాలేవు. పదిహేనేళ్లుగా ఉంటున్న రాని కల్ట్ క్రేజ్ ఈ ఒక్క సినిమాతో సంపాదించుకున్నాడు నాని. ముఖ్యంగా క్లైమాక్స్లో నాని నటనకు ఫిదా అవని ప్రేక్షకుడు లేడు. ఈ సినిమా నాని కెరీర్లో ఓ మైలు రాయిగా నిలిచిపోతుందనడంలో సందేహమే లేదు. అంతేకాకుండా ఇది నానికి తొలి వంద కోట్ల బొమ్మ అయ్యే అవకాశాలు కూడా లేకపోలేదు. వచ్చే వారం రావణాసుర వరకు ఈ సినిమాకు అడ్డు లేదు.