అదేంటి.. మేజర్ (Major) సినిమాతో నాని(Nani )కి సంబంధమేంటి.. ఆ సినిమాలో హీరో నాని కాదు.. నిర్మించింది ఆయన కాదు.. అలాంటప్పుడు ఎందుకు మేజర్ సినిమా విజయాన్ని ఆయన అంతగా ఎంజాయ్ చేస్తున్నాడు అనుకుంటున్నారా..? దీని వెనుక పెద్ద కథే ఉంది. మేజర్ కేవలం తెలుగులో మాత్రమే కాదు హిందీలో కూడా మంచి కలెక్షన్స్ తీసుకొస్తుంది. రోజురోజుకు దీనికి అక్కడ రెస్పాన్స్ పెరుగుతుంది. మొదటిరోజు కేవలం కోటి రూపాయలు మాత్రమే వసూలు చేసిన ఈ సినిమా నాలుగు రోజులు 2 కోట్లకు పైగా వసూలు చేసింది. దీన్ని బట్టి మేజర్ హిందీలో ఎంత ప్రభావం చూపిస్తుందో అర్థమవుతుంది.
ఇదిలా ఉంటే ఈ సినిమా విజయాన్ని నిర్మాత మహేష్ బాబు బాగా సెలబ్రేట్ చేసుకున్నాడు. నాలుగు రోజుల్లో ఏకంగా 40 కోట్లకు పైగా గ్రాస్ వసూలు చేసింది ఈ సినిమా. ఇదిలా ఉంటే మేజర్ సక్సెస్ మహేష్ కంటే నాని ఎక్కువగా ఎంజాయ్ చేస్తున్నాడు. దీనికి కారణం అడవి శేష్ (Adivi Sesh)హీరోగా ఈయన హిట్ 2 సినిమా నిర్మిస్తున్నాడు. శైలేష్ కొలను దర్శకత్వంలో తెరకెక్కుతున్న ఈ సినిమాపై అంచనాలు బాగానే ఉన్నాయి. జూలై 29న ఈ సినిమా విడుదల కానుంది. మేజర్ పుణ్యమా అని ఇప్పుడు హిట్ రెండో భాగాన్ని హిందీలో విడుదల చేయడానికి సన్నాహాలు చేస్తున్నాడు నిర్మాత నాని.
తెలుగుతో పాటు ఈ సినిమాని ఒకేసారి హిందీలో విడుదల చేయాలని ముందు నుంచి ప్లాన్ చేస్తున్నాడు నాని. కానీ ఏదో ఒక మూలన పాన్ ఇండియా వర్కౌట్ అవుతుందా అనే అనుమానంతో ఉన్నాడు. కానీ ఇప్పుడు మేజర్ సినిమా సూపర్ సక్సెస్ కావడంతో అడివి శేష్ మార్కెట్ బాగానే పెరిగింది. దాంతో భారీ స్థాయిలో హిట్-2 హిందీ లో విడుదల చేయడానికి చూస్తున్నారు న్యాచురల్ స్టార్. ఈ సినిమాకు ఏడు సీక్వెల్స్ చేస్తామని వాటికి కథలు కూడా సిద్ధంగా ఉన్నాయని చెప్పాడు నాని. అందులో ఏదో ఒక భాగంలో ఆయన హీరోగా నటించనున్నాడు.