Nagarjuna in the Ghost movie shooting | సీనియర్ హీరో అక్కినేని నాగార్జున ఏడాదికి ఒక సినిమా చేస్తూ యువ హీరోలకు పోటి ఇస్తున్నాడు. ప్రస్తుతం ఈయన ‘ది ఘోస్ట్’ చిత్రంలో బిజిగా గడుపుతున్నాడు. ‘గరుడవేగ’ ఫేం ప్రవీణ్ సత్తారు ఈ చిత్రానికి దర్శకత్వం వహిస్తున్నాడు. ఈ చిత్రంలో మొదట కాజల్ను హీరోయిన్గా ఎంపిక చేశారు. కానీ కాజల్ ప్రెగ్నెన్సీ కారణంగా ఈ సినిమా నుంచి తప్పుకుంది. దాంతో కాజల్ ప్లేస్లో సోనాల్ చౌహాన్ను హీరోయిన్గా తీసుకున్నారు. ప్రస్తుతం వీళ్లిద్దరి మధ్య సన్నివేశాలు దుబాయ్లో చిత్రీకరిస్తున్నారు. ఈ ఫోటోలు సోషల్ మీడియాలో వైరల్ అవుతున్నాయి.
స్పై యాక్షన్ థ్రిల్లర్గా తెరకెక్కుతున్న ఈ చిత్రంలో నాగార్జున ఒక సీక్రెట్ ఏజెంట్గా నటించనున్నాడు. శ్రీ వెంకటేశ్వరా సినిమాస్ ఎల్ఎల్పి, నార్త్ స్టార్ ఎంటర్టైనమెంట్స్ పతాకంపై నారాయణ్ దాస్ కే నారంగ్, పుస్కురి రామ్మోహన్రావు, శరత్ మరార్ సంయుక్తంగా ఈ చిత్రాన్ని నిర్మిస్తున్నారు. షూటింగ్ శరవేగంగా జరుపుకుంటున్న ఈ చిత్రాన్నిఈ ఏడాది ద్వితియార్థంలో విడుదలచేయాలని మేకర్స్ సన్నాహాలు చేస్తున్నారట. ఈ ఏడాది నాగార్జున నటించిన ‘బంగార్రాజు’ చిత్రం సంక్రాంతి విన్నర్గా నిలిచింది. బాక్సాఫీస్ దగ్గర ఈ చిత్రం మంచి వసూళ్లను సాధించింది. యువ సామ్రాట్ నాగచైతన్య ఈ చిత్రంలో మరో ప్రధాన పాత్రలో నటించాడు.
The shooting of @iamnagarjuna's upcoming entertainer #TheGHOST 🗡 has begun in Dubai. #TheGhost@sonalchauhan7 @PraveenSattaru #NarayanDasNarang #RamMohanRao @SVCLLP @nseplofficial #Nagarjuna #Dubai pic.twitter.com/tnB4aDadeW
— GOODTIMES (@mygoodtimes) March 10, 2022