KING 100 | సస్పెన్స్‌కు పుల్‌స్టాప్‌.. నాగార్జున 100వ సినిమా లాంచ్‌పై క్లారిటీ

KING 100 | నాగార్జున కెరీర్‌లో ల్యాండ్‌ మార్క్‌ సినిమాగా రాబోతున్న 100వ ప్రాజెక్ట్‌ ఎప్పుడు ఉండబోతుంది..? అంటూ ఇప్పటికే అభిమానులు, ఫాలోవర్లతోపాటు మూవీ లవర్స్‌ ఆసక్తిగా చర్చించుకుంటున్నారు.

KING 100 | ఈ ఏడాది కుబేర, కూలీ సినిమాలతో సూపర్ సక్సెస్ అందుకున్నాడు టాలీవుడ్ స్టార్ యాక్టర్ అక్కినేని నాగార్జున. ఇటీవలే కూలీ సినిమాలో నెగెటివ్‌ షేడ్స్‌ ఉన్న పాత్రలో నటించగా నాగార్జున నటనకు అదిరిపోయే రెస్పాన్స్ వస్తోంది. కాగా నాగార్జున కెరీర్‌లో ల్యాండ్‌ మార్క్‌ సినిమాగా రాబోతున్న 100వ ప్రాజెక్ట్‌ ఎప్పుడు ఉండబోతుంది..? అంటూ ఇప్పటికే అభిమానులు, ఫాలోవర్లతోపాటు మూవీ లవర్స్‌ ఆసక్తిగా చర్చించుకుంటున్నారు.

ఇక ఎప్పుడెప్పుడా అని ఎదురుచూస్తున్న ఈ క్రేజీ సినిమాపై క్లారిటీ వచ్చేసింది. తన ల్యాండ్ మార్క్‌ సినిమా వివరాలను నాగ్‌ స్వయంగా ప్రకటించాడు. జీ5 (ఛానల్‌, ఓటీటీ)లో జగపతిబాబు హోస్ట్‌గా వ్యవహరిస్తున్న జయమ్ము నిశ్చయమ్మురా షోకు నాగార్జున చీఫ్‌ గెస్ట్‌గా వచ్చాడు. ఆకాశం ఫేం రా కార్తీక్‌ దర్శకత్వంలో తన వందో సినిమా చేస్తున్నట్టు ఈ షోలో చెప్పాడు నాగ్‌. అంతేకాదు గత 6 నుంచి 7 నెలలుగా ఈ సినిమా ప్రీ ప్రొడక్షన్‌ పనులు కొనసాగుతున్నాయని కూడా చెప్పాడు.

ఈ మూవీ పవర్‌ ప్యాక్‌డ్‌ యాక్షన్‌ ఎంటర్‌టైనర్‌గా ఉండబోతుందని అభిమానులకు తెలియజేశాడు. తాజా సమాచారం ప్రకారం ఆగస్టు 29న నాగార్జున పుట్టినరోజు సందర్భంగా ఈ ప్రాజెక్ట్‌ను ఘనంగా లాంచ్ చేయనున్నారు. ఇదిలా ఉంటే సెప్టెంబర్‌ 5న నాగార్జున-ఆర్జీవో కాంబోలో వచ్చి ట్రెండ్‌ సెట్టర్‌గా నిలిచిన శివ 4కే వెర్షన్‌ రిలీజ్‌ కానుంది. త్వరలోనే రీరిలీజ్ డేట్‌ను ప్రకటించనున్నారు. ఈ లెక్కన ఓ వైపు బిగ్‌ బాస్‌ 9 షో, మరోవైఐ 100వ సినిమాతో నాగార్జున ఫుల్ బిజీగా ఉండబోతున్నాడన్నమాట.

 Read Also :

Mandaadi | ఈ సారి తగ్గేదేలే అంటున్న సుహాస్‌.. హైప్‌ పెంచుతోన్న మండాడి స్పెషల్‌ పోస్టర్‌

War 2 | కూలీ చిత్రాన్ని అందుకుంటుందా..? తారక్‌, హృతిక్‌ రోషన్‌ వార్‌ 2 బాక్సాఫీస్‌ వసూళ్లు ఇవే

Shruti Haasan | నంబర్‌ గేమ్‌ కొత్త సమస్య.. కమల్ హాసన్‌ థగ్‌లైఫ్‌ ఫెయిల్యూర్‌పై శృతిహాసన్