కర్మ వదిలిపెట్టదు!

జగన్‌ యోగిరాజు, నవ్య చిట్యాల జంటగా నటిస్తున్న చిత్రం ‘మైలురాయి’. ‘కర్మ రిటర్స్న్‌' ఉపశీర్షిక. రఘువర్ధన్‌ కోట్ల దర్శకత్వం వహిస్తున్న ఈ చిత్రాన్ని హన్సిక పెద్దిరెడ్డి నిర్మిస్తున్నారు.

జగన్‌ యోగిరాజు, నవ్య చిట్యాల జంటగా నటిస్తున్న చిత్రం ‘మైలురాయి’. ‘కర్మ రిటర్స్న్‌’ ఉపశీర్షిక. రఘువర్ధన్‌ కోట్ల దర్శకత్వం వహిస్తున్న ఈ చిత్రాన్ని హన్సిక పెద్దిరెడ్డి నిర్మిస్తున్నారు. ఇటీవల ఈ సినిమా టైటిల్‌ను సీనియర్‌ నటుడు నాగబాబు ఆవిష్కరించారు. ఈ సందర్భంగా నిర్మాత హన్సిక పెద్దిరెడ్డి మాట్లాడుతూ ‘నిర్మాతగా నాకిది తొలిచిత్రం.

ఎమోషనల్‌ లవ్‌స్టోరీగా మెప్పిస్తుంది. షూటింగ్‌ పూర్తి చేశాం. ప్రస్తుతం నిర్మాణానంతర కార్యక్రమాలు జరుగుతున్నాయి’ అన్నారు. కర్మ అనే కాన్సెప్ట్‌ చుట్టూ అల్లుకున్న హృద్యమైన ప్రేమకథా చిత్రమిదని దర్శకుడు రఘువర్ధన్‌ కోట్ల తెలిపారు. దేవీప్రసాద్‌, లక్ష్మణ్‌ మీసాల, పవన్‌ రమేష్‌, సునందిని తదితరులు నటిస్తున్న ఈ చిత్రానికి సంగీతం: రాజీవ్‌ రాజ్‌, రచన-దర్శకత్వం: రఘవర్ధన్‌ కోట్ల.