మీడియం రేంజ్ హీరోల్లో నాగ చైతన్యకు మాత్రమే సాధ్యమైన రికార్డు అది..

January 19, 2022 / 06:29 PM IST

Naga chaitanya | Bangarraju — Naga chaitanya

Naga chaitanya | తెలుగు ఇండస్ట్రీలో మూడు రకాల హీరోలు ఉంటారు. అందులో పెద్ద హీరోలు, మీడియం రేంజ్, చిన్న హీరోలు అంటూ ఎవరికి వాళ్ల‌కే సపరేట్ మార్కెట్ ఉంటుంది. వాళ్ల వాళ్ల మార్కెట్‌కు తగ్గట్లు నిర్మాతలు సినిమాలు చేస్తూ ఉంటారు. సెకండ్ టైర్ హీరోలలో నాని, నాగ చైతన్య, విజయ్ దేవరకొండ, రవితేజ, అఖిల్ అక్కినేని, వరుణ్‌తేజ్‌, సాయిధ‌ర‌మ్ తేజ్‌లాంటి వాళ్లు ఉంటారు. వీళ్ల‌ మార్కెట్ రూ.25 నుంచి రూ.40 కోట్ల మధ్యలో ఉంటుంది. ఈ హీరోల సినిమాలు విజయం సాధిస్తే కచ్చితంగా 30 కోట్ల షేర్ అందుకుంటాయి.ఇప్పుడు ఈ సెకండ్ టైర్ హీరోలలో నెంబర్ వన్ ప్లేస్ కోసం నాగ చైతన్య పోటీ పడుతున్నాడు. దీనికి తగ్గట్లుగా గత కొన్ని ఏళ్లుగా ఆయన ట్రాక్ రికార్డు కూడా అలాగే ఉంది.

గత రెండేళ్లుగా నాగ చైతన్య నటిస్తున్న సినిమాలు రూ.50 కోట్ల కంటే ఎక్కువగా గ్రాస్ వసూలు చేస్తున్నాయి. అలా నాగ‌చైత‌న్య న‌టించిన నాలుగు సినిమాలు వ‌రుస‌గా 50 కోట్ల గ్రాస్ వ‌సూలు చేశాయి. అదులో రెండు సినిమాలు మ‌ల్టీస్టార‌ర్స్ కావ‌డం గ‌మ‌నార్హం. తండ్రి నాగార్జున‌, మామ వెంక‌టేశ్‌తో న‌టించిన సినిమాలు బాక్సాఫీస్ ద‌గ్గ‌ర మంచి వ‌సూళ్లు తీసుకొచ్చాయి. మీడియం రేంజ్ హీరోలలో వరుసగా నాలుగు సార్లు రూ.50 కోట్ల గ్రాస్ అందుకున్న రికార్డు ఎవరికీ లేదు. అది సాధించిన ఒకే ఒక్క హీరో నాగచైతన్య. 2019లో సమంత జంటగా నటించిన మజిలీ రూ.70 కోట్ల గ్రాస్ వసూలు చేసింది. అదే ఏడాది డిసెంబర్‌లో విడుదలైన వెంకీమామ రూ.55 కోట్ల గ్రాస్ వసూలు చేసింది. ఇక గతేడాది శేఖర్ కమ్ముల దర్శకత్వంలో ఆయన నటించిన లవ్ స్టోరీ సినిమా రూ.60 కోట్లకు పైగా వసూలు చేసింది. సాయి పల్లవి నటన ఈ సినిమాకు అదనపు ఆకర్షణ. ఇక మొన్న సంక్రాంతికి విడుదలైన బంగార్రాజు నాలుగు రోజుల్లోనే రూ.50 కోట్ల గ్రాస్ వసూలు చేసింది. ఇలా వరుసగా నాలుగు సినిమాలతో 50 కోట్లు అంతకంటే ఎక్కువ గ్రాస్ వసూలు చేసిన ఏకైక సెకండ్ టైర్ హీరోగా నాగ చైతన్య చరిత్ర సృష్టించాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి