Bangarraju censor review | బంగార్రాజు సెన్సార్ పూర్తి.. ఫస్ట్ రివ్యూ ఏంటంటే..

January 8, 2022 / 08:19 PM IST

Bangarraju censor review | Naga chaitanya and krithi shetty in Bangarraju — Naga chaitanya and krithi shetty in Bangarraju

Bangarraju censor review | సంక్రాంతికి ఎదురులేకుండా.. వెనక్కి వెళ్లకుండా వస్తున్న ఒకే ఒక పెద్ద సినిమా బంగార్రాజు. నాగార్జున హీరోగా నటించిన ఈ సినిమాను కళ్యాణ్ కృష్ణ కురసాల తెరకెక్కించాడు. సోగ్గాడే చిన్ని నాయనకు సీక్వెల్‌గా ఈ సినిమా వస్తుంది. దాంతో అంచనాలు బాగానే ఉన్నాయి. ఇందులో నాగ చైతన్య, కృతి శెట్టి జంటగా నటిస్తున్నారు. యంగ్ బంగార్రాజు పాత్రలో చైతూ నటిస్తున్నట్లు తెలుస్తోంది. ప్రస్తుతం పరిస్థితులు ప్రతికూలంగా ఉన్నా కూడా తన సినిమాపై నమ్మకంతో విడుదల చేస్తున్నాడు నాగార్జున. ఇప్పటికే ఏపీలో నైట్ షోస్ రద్దు అయిపోయాయి. కర్ఫ్యూ కూడా మొదలైపోయింది. అయినా కూడా జనవరి 14న బంగార్రాజు థియేటర్స్‌లోకి వస్తుంది. ఇదిలా ఉంటే తాజాగా ఈ సినిమా సెన్సార్ పూర్తయింది. U/A సర్టిఫికెట్ వచ్చింది. ఈ సినిమా నిడివి రెండు గంట‌ల 40 నిమిషాలు ఉన్న‌ట్లు తెలుస్తోంది.

సెన్సార్ బోర్డ్ నుంచి వినిపిస్తున్న సమాచారం ప్రకారం బంగార్రాజు సినిమాకు మంచి టాక్ వచ్చింది. ఎప్పట్లాగే సంక్రాంతి ఎంటర్టైనర్ అని ముద్ర వేసుకొని వస్తున్నాడు బంగార్రాజు. సోగ్గాడే చిన్నినాయనకు ఏమాత్రం తగ్గకుండా ఈ సినిమాను దర్శకుడు కళ్యాణ్ తెరకెక్కించినట్లు తెలుస్తోంది. పైగా సినిమా కోసం సత్యానంద్ సహా సీనియర్ రైటర్స్ బృందం పని చేసింది. రెండేళ్ల పాటు ప్రీ ప్రొడక్షన్ జరుపుకున్న బంగార్రాజు.. కేవలం 50 రోజుల్లోనే షూటింగ్ పూర్తి చేసుకుంది. ఫస్టాఫ్, సెకండాఫ్ అని తేడా లేకుండా సినిమా అంతా సరదాగా సాగిపోతుందని.. సెన్సార్ బోర్డు సభ్యుల నుంచి సమాచారం వచ్చినట్లు సోషల్ మీడియాలో వార్తలు వినిపిస్తున్నాయి. ముఖ్యంగా నాగార్జున, నాగ చైతన్య మధ్య వచ్చే సన్నివేశాలు సినిమాకు హైలెట్ అవుతాయని వాళ్లు చెబుతున్నారు. అలాగే క్లైమాక్స్‌లో ఎవరూ ఊహించని ఒక ట్విస్ట్ ఉంటుందని.. అది వర్కౌట్ అయితే సినిమా రేంజ్ మరింత పెరుగుతుందని అందరూ చెబుతున్నారు. మొత్తానికి జనవరి 14న బంగార్రాజు వచ్చేస్తున్నాడు. మరి అంచనాలు ఎంత వరకు నిలబెట్టుకుంటాడో చూడాలి.