ఇండస్ట్రీలో కొత్త త‌రం.. అందాలతో మాయ చేస్తున్న యువ హీరోయిన్లు..

January 7, 2022 / 06:31 PM IST

Young Heroines | ఇండస్ట్రీలో కొత్త నీరు వస్తే పాత నీరు పక్కకు వెళ్లి పోవాల్సిందే. ప్ర‌తి ఏడాది ఇది జ‌రుగుతుంటుంది. కొంద‌రు హీరోయిన్లు క‌నిపించ‌కుండా దూరం అవుతుంటారు. మ‌రికొంద‌రు కొత్త హీరోయిన్లు ఇండ‌స్ట్రీకి ప‌రిచ‌యం అవుతూ ఉంటారు. అయితే ఈసారి సీనియ‌ర్ హీరోయిన్లు అలాగే ఉన్నారు. వాళ్ల‌తో పాటు కొత్త హీరోయిన్లు ఇప్పుడు ఇండ‌స్ట్రీకి వ‌స్తున్నారు.

గ‌త ఏడాది ఉప్పెన సినిమాతో ప్రేక్షకులకు పరిచయమైన కృతి శెట్టి వరుస సినిమాలతో తెలుగు ఇండస్ట్రీలో తనకంటూ ఓ ప్రత్యేక గుర్తింపు సంపాదించుకుంది. ఈమె రెండో సినిమా నాని శ్యామ్ సింగరాయ్ కూడా మంచి విజయం అందుకుంది. ప్రస్తుతం బంగార్రాజు సినిమాతో సంక్రాంతికి రానుంది కృతి. ఈమె చేతిలో రామ లింగుస్వామి సినిమా, సుధీర్ బాబు ఈ అమ్మాయి గురించి చెప్పాలితో పాటు మరో రెండు సినిమాలు ఉన్నాయి.

ఇక పూరీ జగన్నాథ్ కొడుకు ఆకాశ్ హీరోగా వ‌చ్చిన రొమాంటిక్ సినిమాతో ఇండ‌స్ట్రీకి ఎంట్రి ఇచ్చిన కేతిక శ‌ర్మ కూడా ఇప్పుడు చిన్న సినిమాలకు కేరాఫ్ అడ్రస్ అయిపోతుంది. పైగా ఈ అమ్మాయి అందాల ఆరబోతలో నెక్స్ట్ లెవెల్. అందుకే ఈమె వైపు చూస్తున్నారు యువ హీరోలు. మరోవైపు నేహా శెట్టికి కూడా అవకాశాలు బాగానే వస్తున్నాయి. పూరీ జగన్నాథ్ మెహబూబా సినిమాతో పరిచయమైన ఈ ముద్దుగుమ్మ.. సందీప్ కిషన్ గల్లీ రౌడీ సినిమాలో నటించింది. తాజాగా డీజే టిల్లు సినిమాతో ప్రేక్షకుల ముందుకు వస్తోంది.

కేవలం వీళ్లు మాత్రమే కాదు మరి కొందరు యువ హీరోయిన్లు కూడా తెలుగు ఇండస్ట్రీలో ఇప్పుడు సత్తా చూపిస్తున్నారు. వాళ్ల‌ వైపు దర్శక నిర్మాతలు అడుగులు వేస్తున్నారు. వీళ్ల‌ను తీసుకుంటే సినిమాలో అందాల ఆరబోతతో పాటు రెమ్యున‌రేషన్ కూడా తక్కువగా ఉంటుంది. వీళ్లంతా 20 నుంచి 40 లక్షల్లో రెమ్యునరేషన్ అందుకుంటున్నారు. కృతి శెట్టి ఇప్పుడు ఒప్పుకుంటున్న సినిమాలకు కోటికి పైగా తీసుకుంటుంది. అందుకే నిర్మాతలు ఎక్కువగా కొత్త హీరోయిన్ల వైపు అడుగులు వేస్తున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి