మాకు సినిమా వద్దు.. డబ్బులు వెనక్కి ఇచ్చేయండి.. RRR నిర్మాతకు కొత్త తలనొప్పి..

January 7, 2022 / 04:31 PM IST

RRR Movie | రాజమౌళి సినిమా కోసం నిర్మాతలు మాత్రమే కాదు డిస్ట్రిబ్యూటర్లు కూడా ఎగబడతారు. ఆయన చెప్పిన రేటుకు సినిమాలు తీసుకుంటారు. ఎందుకంటే జక్కన్న ట్రాక్ రికార్డ్ అలా ఉంది. మిగిలిన సినిమాలు అన్నీ ఒక ఎత్తు.. రాజమౌళి సినిమాలు మాత్రం మరో ఎత్తు. ఈయన సినిమాలు ప్రత్యేకం.. వాటి రికార్డులు ప్రత్యేకం. అందుకే రాజమౌళితో మిగిలిన సినిమాలు పోటీ పెట్టుకోరు. ఇలాంటి సమయంలో ప్రస్తుతం ఈయ‌న ట్రిపుల్ ఆర్ సినిమాకు చెప్పుకోలేని క‌ష్టాలు వ‌స్తున్నాయి. ఇండియాస్ బిగ్గెస్ట్ మ‌ల్టీస్టార‌ర్‌గా వ‌స్తున్న ఈ సినిమాకు అనుకోని పోస్ట్‌పోన్ క‌ష్టాలు వెంటాడుతున్నాయి.

ఒక‌టి కాదు రెండు కాదు.. మూడు సార్లు అనౌన్స్ చేసిన తేదీ కూడా వాయిదా ప‌డింది ట్రిపుల్ ఆర్ సినిమా. మొద‌టి రెండు సార్లు ఏమో కానీ మూడో సారి మాత్రం ప్ర‌మోష‌న్స్ గ‌ట్టిగా చేసుకుని.. ఈ సారి థియేట‌ర్ల‌లో రావ‌డం ప‌క్కా అని తెలిసిన త‌ర్వాత చివ‌రి నిమిషంలో వాయిదా ప‌డింది. దాంతో డిస్ట్రిబ్యూటర్ల నుంచి నిర్మాతకు కొత్త తలనొప్పులు మొదలయ్యాయి. ఎంత రాజమౌళి సినిమా అయితే మాత్రం ఇన్ని సార్లు వాయిదా పడితే కచ్చితంగా కష్టాలు తప్పవు. తీసుకొచ్చిన అప్పులకు వడ్డీలు పెరుగుతూ ఉంటాయి. పైగా ప్రస్తుతం టికెట్ రేట్ల ఇష్యూ కూడా నడుస్తోంది. క‌రోనా వైరస్ ఎప్పటికి తగ్గుతుందో తెలియదు. పరిస్థితులు మళ్లీ ఎప్పటికి చక్కబడతాయో ఐడియా లేదు. చూసుకుంటే రాబోయే కాలమంతా దారుణంగానే కనిపిస్తోంది. పరిస్థితులు పూర్తిగా చక్కబడిన తరువాత సినిమాను విడుదల చేస్తే అప్పుడున్న రేట్లకు వర్కవుట్ అవుతుందో లేదో తెలియదు. ఇలా ఎన్నో అనుమానాలు డిస్ట్రిబ్యూటర్ల మైండ్‌లో ఉన్నాయి. అందుకే మాకు సినిమా వద్దు.. మా డబ్బులు మాకు వెనక్కి ఇచ్చేయండి అంటూ డిస్ట్రిబ్యూటర్స్ ట్రిపుల్ ఆర్ సినిమా నిర్మాత డీవీవీ దాన‌య్య‌పై ఒత్తిడి తీసుకొస్తున్న‌ట్లు తెలుస్తోంది. ఒక‌వేళ అదే నిజ‌మైతే ట్రిపుల్ ఆర్ నిర్మాత‌ల‌కు త‌ల‌నొప్పులు త‌ప్ప‌వు. ప్ర‌స్తుతం అందుతున్న స‌మాచారం ప్ర‌కారం ఈ సినిమా స‌మ్మ‌ర్ బ‌రిలో ఉంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి