Ilaiyaraaja | ఈ ఏడాది మాలీవుడ్ నుంచి విడుదలై రికార్డులు సృష్టించిన చిత్రం ‘మంజుమ్మెల్ బాయ్స్’ (Manjummel Boys). చిదంబరం డైరెక్షన్లో సర్వైవర్ థ్రిల్లర్గా తెరకెక్కిన ఈ చిత్రం విడుదలైన 12 రోజుల్లోనే రూ.100 కోట్ల మార్క్ను దాటి.. మాలీవుడ్లో అత్యంత వేగంగా ఈ ఫీట్ సాధించిన సినిమాల జాబితాలో నిలిచి అరుదైన ఫీట్ నమోదు చేసింది.
మంజుమ్మెల్ బాయ్స్ లో ఇళయరాజా (Ilaiyaraaja) కంపోజ్ చేసిన కమల్ హాసన్ క్లాసిక్ సినిమా గుణలోని.. కమ్మని నీ ప్రేమ లేఖనే రాసింది హృదయమే అంటూ సాగే పాట, మ్యూజిక్ను వాడారని తెలిసిందే. సినిమా ఓపెనింగ్ క్రెడిట్స్, క్లైమాక్స్లో వాడిన పాటకు మంచి ప్రశంసలు దక్కాయి. అయితే దీనిపై ఇళయరాజా అభ్యంతరం వ్యక్తం చేస్తూ మేకర్స్కు లీగల్ నోటీసులు పంపించారు.
తన క్రియేటివ్ వర్క్ (పాట, సంగీతం)ను అసందర్భోచితంగా వినియోగించినందుకు నష్టపరిహారం అందించాలని నోటీసుల్లో పేర్కొన్నారు. అయితే సాంగ్ విషయంలో మేకర్స్ ముందుగానే గుణ మూవీ ఆడియో హక్కులు కలిగిన మ్యూజిక్ లేబుల్ నుంచి అనుమతి తీసుకున్నప్పటికీ నోటీసులు పంపించడం గమనార్హం. మరి ఇళయరాజా నోటీసులపై మంజుమ్మెల్ బాయ్స్ టీం ఎలా స్పందిస్తుందనేది సర్వత్రా ఉత్కంఠ నెలకొంది.