Mrunal Thakur | తమిళంలో బిజీగా మారుతున్న మృణాల్‌ ఠాకూర్‌

‘సీతారామం’ చిత్రం కథానాయిక మృణాల్‌ ఠాకూర్‌ కెరీర్‌కు గొప్ప మలుపునిచ్చింది. గత ఏడాది విడుదలైన ‘నాన్న’ చిత్రంలో కూడా అభినయ ప్రధాన పాత్రలో ఆకట్టుకుందీ భామ. ప్రస్తుతం ఆమె విజయ్‌ దేవరకొండ సరసన ‘ఫ్యామిలీ స్టార్‌' చిత్రంలో నటిస్తున్న విషయం తెలిసిందే. తెలుగులో ఈ అమ్మడు నటించిన చిత్రాలు మంచి విజయాలు సాధించడంతో అభిమానులు అదృష్టనాయిక అంటూ అభివర్ణిస్తున్నారు.

Mrunal Thakur | ‘సీతారామం’ చిత్రం కథానాయిక మృణాల్‌ ఠాకూర్‌ కెరీర్‌కు గొప్ప మలుపునిచ్చింది. గత ఏడాది విడుదలైన ‘నాన్న’ చిత్రంలో కూడా అభినయ ప్రధాన పాత్రలో ఆకట్టుకుందీ భామ. ప్రస్తుతం ఆమె విజయ్‌ దేవరకొండ సరసన ‘ఫ్యామిలీ స్టార్‌’ చిత్రంలో నటిస్తున్న విషయం తెలిసిందే. తెలుగులో ఈ అమ్మడు నటించిన చిత్రాలు మంచి విజయాలు సాధించడంతో అభిమానులు అదృష్టనాయిక అంటూ అభివర్ణిస్తున్నారు.

ఈ నేపథ్యంలో మృణాల్‌ ఠాకూర్‌కు తమిళం నుంచి కూడా భారీ అవకాశాలొస్తున్నాయి. ఇప్పటికే శివకార్తికేయన్‌, శింబు చిత్రాల్లో నాయికగా అవకాశాల్ని దక్కించుకున్న ఈ భామ అగ్ర హీరో అజిత్‌ సరసన కథానాయికగా నటించబోతున్నట్లు తెలిసింది. అదిక్‌ రవిచంద్రన్‌ దర్శకత్వంలో అజిత్‌ ఓ సినిమా చేయబోతున్నారు. భారీ యాక్షన్‌ ఎంటర్‌టైనర్‌గా తెరకెక్కనున్న ఈ సినిమాలో పలువురు అగ్ర నాయికల పేర్లు తెరపైకొచ్చాయి. తాజాగా ఆ ఛాన్స్‌ మృణాల్‌ ఠాకూర్‌ దక్కించుకుందని సమాచారం. తమిళంలో ఇప్పటివరకు ఒక్క సినిమా విడుదల కాకముందే భారీ అవకాశాలను దక్కించుకుంటూ సంచలనం సృష్టిస్తున్నది మృణాల్‌ ఠాకూర్‌. ఆమె తాజా తెలుగు చిత్రం ‘ఫ్యామిలీ స్టార్‌’ ఏప్రిల్‌ 5న రిలీజ్‌ కానుంది.