Tirumala Laddu | లడ్డూలో జంతువుల కొవ్వు ఉంద‌ని తెలియగానే ఒక భక్తుడిగా తల్లడిల్లిపోయాను : మోహ‌న్ బాబు

తిరుమ‌ల ల‌డ్డూ వివాదంపై టాలీవుడ్ న‌టుడు మోహ‌న్ బాబు స్పందించాడు. లడ్డూలలో కలిపే ఆవు నెయ్యిలో జంతువుల కొవ్వుని కలుపుతున్నారని తెలియగానే ఒక భక్తుడిగా తల్లడిల్లిపోయాను అంటూ మోహ‌న్ బాబు ఆవేద‌న వ్య‌క్తం చేశాడు. ఇలాంటి పని చేసిన నేరస్థులను క‌ఠినంగా శిక్షించాలని ఎక్స్ వేదికగా పోస్ట్ పెట్టాడు.

Tirumala Laddu – Mohanbabu | తిరుమ‌ల ల‌డ్డూ వివాదంపై టాలీవుడ్ న‌టుడు మోహ‌న్ బాబు స్పందించాడు. లడ్డూలలో కలిపే ఆవు నెయ్యిలో జంతువుల కొవ్వుని కలుపుతున్నారని తెలియగానే ఒక భక్తుడిగా తల్లడిల్లిపోయాను అంటూ మోహ‌న్ బాబు ఆవేద‌న వ్య‌క్తం చేశాడు. ఇలాంటి పని చేసిన నేరస్థులను క‌ఠినంగా శిక్షించాలని ఎక్స్ వేదికగా పోస్ట్ పెట్టాడు.

ప్రపంచ వ్యాప్తంగా ప్రతి హిందూ పూజించే కలియుగ దైవం శ్రీ వేంకటేశ్వర స్వామి. ఆ దైవానికి నిత్యం సమర్పించే లడ్డూలలో కలిపే ఆవు నెయ్యిలో దాదాపు 3 నెలల క్రితం వరకు ఇతర జంతువుల కొవ్వుని కలుపుతున్నారని తెలియగానే ఒక భక్తుడిగా తల్లడిల్లిపోయాను, తీవ్ర దిగ్భ్రాంతికి గురయ్యాను. నిత్యం మా మోహన్ బాబు విశ్వవిద్యాలయం నుంచి కన్పించే తిరుమల క్షేత్రాన్ని చూసి నాతోపాటు వేలాదిమంది ఉపాధ్యాయులు, విద్యార్థినీ విద్యార్థులు, నిత్యం భక్తిపూర్వకంగా నమస్కరించుకుంటూ ఉంటాం. ఆ స్వామి దగ్గర ఇలా జరగడం ఘోరం, పాపం, ఘోరాతి ఘోరం, నికృష్టం, అతినీచం, హేయం, అరాచకం. ఇదేగాని నిజమైతే నేరస్థులను శిక్షించాలని నా ఆత్మీయుడు, నా మిత్రుడు ఆంధ్రప్రదేశ్ ముఖ్యమంత్రి వర్యులు నారా చంద్రబాబు నాయుడుని హృదయపూర్వకంగా కోరుకుంటూ… ఈ కలియుగ దైవం వేంకటేశ్వర స్వామి ఆశీస్సులు నా మిత్రుడు అందుకుని నూరేళ్ళు చల్లగా ఉండాలని కోరుకుంటున్నాను. అంటూ మోహ‌న్ బాబు రాసుకోచ్చాడు.

విజ్ఞప్తి pic.twitter.com/7l8UT9Fbs5

— Mohan Babu M (@themohanbabu) September 21, 2024