సరికొత్త టాక్‌షో ‘మెగావర్స్‌’?

అగ్ర నటుడు చిరంజీవి ‘మెగావర్స్‌' పేరుతో ఓ సెలబ్రిటీ టాక్‌ షో ను నిర్వహించబోతున్నట్లు గత కొంతకాలంగా వార్తలొస్తున్న విషయం తెలిసిందే. ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్‌లో ఈ టాక్‌షో స్ట్రీమింగ్‌ కానుంది. తాజా సమాచారం ప్రకారం మంగళవారం ఈ టాక్‌షో తాలూకు షూటింగ్‌ ప్రారంభమైందని తెలిసింది.

అగ్ర నటుడు చిరంజీవి ‘మెగావర్స్‌’ పేరుతో ఓ సెలబ్రిటీ టాక్‌ షో ను నిర్వహించబోతున్నట్లు గత కొంతకాలంగా వార్తలొస్తున్న విషయం తెలిసిందే. ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్‌లో ఈ టాక్‌షో స్ట్రీమింగ్‌ కానుంది. తాజా సమాచారం ప్రకారం మంగళవారం ఈ టాక్‌షో తాలూకు షూటింగ్‌ ప్రారంభమైందని తెలిసింది.

తొలి ఎపిసోడ్‌లో ప్రముఖ హాస్య నటుడు బ్రహ్మానందం, సునీల్‌, సత్య పాల్గొన్నారని సమాచారం. దాదాపు 15 ఎపిసోడ్స్‌తో ఈ టాక్‌షో తొలి సీజన్‌కు సన్నాహాలు చేస్తున్నట్లు తెలిసింది. అయితే ఈ టాక్‌షో విషయమై ఇప్పటివరకూ ఎలాంటి అధికారిక ప్రకటన వెలువడలేదు. ఇప్పటికే బాలకృష్ణ ‘అన్‌స్టాపబుల్‌’, జగపతిబాబు ‘జయమ్ము నిశ్చయమ్మురా’ వంటి టాక్‌షోలతో ప్రేక్షకుల ఆదరణ చూరగొంటున్నారు. ఈ నేపథ్యంలో మెగాస్టార్‌ చిరంజీవి ఓటీటీ ప్రపంచంలోకి ఎంట్రీ ఇస్తూ టాక్‌షోకు హోస్ట్‌గా వ్యవహరిస్తుండటం ప్రాధాన్యతను సంతరించుకుంది. గతంలో చిరంజీవి ‘మీలో ఎవరు కోటీశ్వరుడు’ కార్యక్రమానికి హోస్ట్‌గా వ్యవహరించిన విషయం తెలిసిందే.