Visit:
Mega Family | మెగా ఫ్యామిలీ ఇంటా సంద‌డి నెల‌కొన్న విషయం తెలిసిందే. వరుణ్ తేజ్ – లావణ్య త్రిపాఠి దంప‌తులు నేడు త‌ల్లిదండ్రుల‌య్యారు. బుధవారం ఉదయం హైదరాబాద్‌లోని రెయిన్‌బో ఆసుపత్రిలో లావణ్య త్రిపాఠి పండంటి మగ బిడ్డకు జన్మనిచ్చారు. ఈ విషయం సోషల్‌ మీడియాలో వైరల్‌ కావడంతో అభిమానులు ఈ జంటకు శుభాకాంక్షలు తెలుపుతున్నారు. మరోవైపు ఈ విషయం తెలుసుకున్న చిరంజీవి కూడా ‘మన శంకరవరప్రసాద్‌గారు’ సెట్స్‌ నుంచి నేరుగా ఆసుపత్రికి వెళ్లి వరుణ్, లావణ్యలకు శుభాకాంక్షలు తెలిపారు. అయితే తన మనవడిని ఎత్తుకుని దిగిన ఫొటోని చిరు తాజాగా ఎక్స్ వేదిక‌గా పంచుకున్నాడు.
చిరంజీవి తన మనవడి రాకపై సంతోషాన్ని వ్యక్తం చేస్తూ.. వరుణ్ తేజ్, లావణ్య త్రిపాఠి దంప‌తులకు శుభాకాంక్షలు తెలిపాడు. కొణిదెల కుటుంబంలోకి మ‌రో వ్య‌క్తి వ‌చ్చాడు. ఈ చిన్నారికి నూత‌న ప్ర‌పంచంలోకి స్వాగ‌తం. తాతయ్య, నానమ్మలుగా ప్ర‌మోష‌న్‌ అయిన నాగబాబు, పద్మజలకు చూస్తే చాలా సంతోషంగా ఉంది. ఈ బుజ్జి వాడికి సంతోషం, మంచి ఆరోగ్యం, పుష్కలమైన ఆశీస్సులు లభించాలని కోరుకుంటున్నాను. అంటూ తన మనవడిని ఎత్తుకున్న ఫొటోను చిరు షేర్ చేశాడు.
Welcome to the world, little one!
A hearty welcome to the newborn baby boy in the Konidela family.Heartfelt congratulations to Varun Tej and Lavanya Tripathi on becoming proud parents.
So happy for Nagababu and Padmaja, who are now promoted to proud grandparents.Wishing the… pic.twitter.com/TbBdZ37pRN
— Chiranjeevi Konidela (@KChiruTweets) September 10, 2025
