Chandramohan | ఆయన సాన్నిహిత్యం ఇక లేకపోవడం వ్యక్తిగతంగా నాకు తీరని లోటు: మెగాస్టార్‌ చిరంజీవి

Chandramohan | ప్రముఖ నటులు చంద్రమోహన్‌ (Chandramohan) మృతిపట్ల మెగాస్టార్‌ చిరంజీవి (Megastar Chiranjeevi)  దిగ్భ్రాంతి వ్యక్తంచేశారు. ఆయన కుటుంబ సభ్యులకు సంతాపం తెలిపారు. ఆయన సాన్నిహిత్యం ఇక లేకపోవడం వ్యక్తిగతంగా తనకు తీరని లోటని చెప్పారు.

Chandramohan | ప్రముఖ నటులు చంద్రమోహన్‌ (Chandramohan) మృతిపట్ల మెగాస్టార్‌ చిరంజీవి (Megastar Chiranjeevi)  దిగ్భ్రాంతి వ్యక్తంచేశారు. ఆయన కుటుంబ సభ్యులకు సంతాపం తెలిపారు. ఆయన సాన్నిహిత్యం ఇక లేకపోవడం వ్యక్తిగతంగా తనకు తీరని లోటని చెప్పారు. ప్రాణం ఖరీదు సినిమా సందర్భంగా ఆయనతో ఏర్పడిన తొలి పరిచయం ఆ తర్వాత మంచి స్నేహంగా, మరింత గొప్ప అనుబంధంగా మారిందని సామాజిక మాధ్యమం ఎక్స్‌ వేదికగా ఆయనతో తనకున్న అనుబంధాన్ని గుర్తుచేసుకున్నారు.

‘సిరిసిరిమువ్వ, శంకరాభరణం, రాధాకళ్యాణం, నాకూ పెళ్ళాం కావాలి.. లాంటి అనేక ఆణిముత్యాల్లాంటి చిత్రాల్లో తన వైవిధ్య నటనా కౌశలం ద్వారా తెలుగు వారి మనస్సులో చెరగని ముద్ర వేసిన సీనియర్ నటులు, కథనాయకులు చంద్రమోహన్ ఇక లేరని తెలవడం ఎంతో విషాదకరం.

నా తొలి చిత్రం ‘ప్రాణం ఖరీదు’లో ఒక మూగవాడి పాత్రలో అత్యద్భుతమైన నటన ప్రదర్శించారాయన. ఆ సందర్భంగా ఏర్పడిన మా తొలి పరిచయం, ఆ తర్వాత మంచి స్నేహంగా, మరింత గొప్ప అనుబంధంగా మారింది. ఆయన సాన్నిహిత్యం ఇక లేకపోవటం నాకు వ్యక్తిగతంగా తీరని లోటు. ఆయన ఆత్మకి శాంతి చేకూరాలని కోరుకుంటూ.. ఆయన కుటుంబ సభ్యులకు, అభిమానులకు నా ప్రగాఢ సంతాపం తెలుపుతున్నాను.’ అని చిరంజీవి అన్నారు.

‘సిరిసిరిమువ్వ’, ‘శంకరాభరణం’, ‘రాధాకళ్యాణం’, ‘నాకూ పెళ్ళాం కావాలి’ లాంటి అనేక ఆణిముత్యాల్లాంటి చిత్రాల్లో తన వైవిధ్య నటనా కౌశలం ద్వారా తెలుగు వారి మనస్సులో చెరగని ముద్ర వేసిన సీనియర్ నటులు, కథనాయకులు చంద్రమోహన్ గారు ఇక లేరని తెలవడం ఎంతో విషాదకరం.

నా తొలి చిత్రం ‘ప్రాణం… pic.twitter.com/vLMw4gTXOs

— Chiranjeevi Konidela (@KChiruTweets) November 11, 2023