కత్తితో పొడుచుకొని ఆత్మహత్య చేసుకుంటా: న‌టి
గ‌త కొద్ది రోజులుగా త‌మిళ న‌టి, బిగ్ బాస్ ఫేం మీరా మిథున్ సోషల్ మీడియాలో చేస్తున్న ర‌చ్చ అంతా ఇంతా కాదు. ద‌ళితుల‌ని ఇండ‌స్ట్రీ నుండి తరిమేయాలని ఆమె కామెంట్ చేయ‌డంతో మీరాపై ఎస్సీ ఎస్టీ అట్రాసిటి కేసులతో పాటు.. ఏడు సెక్షన్లతో కేసులు నమోదయ్యాయి. దళిత-కేంద్రీకృత పార్టీ అయిన విడుదలై చిరుతైగళ్‌ కట్చి పార్టీ ఉప కార్యదర్శి వన్నీయరసు మీరాపై పోలీసులకు ఫిర్యాదు చేయ‌డంతో కేసు న‌మోదు చేశారు.
మీరా అరెస్ట్ ఖాయమంటూ వార్తలు వ‌చ్చిన నేప‌థ్యంలో ఆమె త‌న ట్విట్ట‌ర్ ద్వారా స్పందిస్తూ.. అది అసాధ్యం అని రాసుకొచ్చింది. సాధ్యమైతే తనను నిర్భయంగా అరెస్ట్ చేసుకోవచ్చని ఛాలెంజ్ చేసింది. తనను అరెస్ట్ చేయడం కలలోనే జరుగుతుందని సంచలన కామెంట్లు చేసింది మీరా మిథున్.
కేరళలో తలదాచుకున్న ఆమెను నిన్న అదుపులోకి తీసుకునేందుకు పోలీసులు రాగా, ఆ స‌మ‌యంలో మీరా మిథున్ చేసిన ర‌చ్చ ప్ర‌స్తుతం సోషల్ మీడియాలో వైర‌ల్‌గా మారింది. ఇక్కడ ఆడవాళ్లకు రక్షణ లేదా? పోలీసులు చార్చర్‌ చేస్తున్నారు.. ప్రధాని మోదీ, తమిళనాడు సీఎం స్టాలిన్‌ స్పందించండి’ అంటూ అరుస్తున్న వీడియోను సోషల్ మీడియాలో షేర్‌ చేసింది. అంద‌రు నన్ను టార్చ‌ర్ చేస్తున్నారు. నన్ను ముట్టుకుంటే కత్తితో పొడుచుకుని ఆత్మహత్య చేసుకుంటాను అంటూ బెదిరించింది మీరా. ముఖ్యమంత్రి, ప్రధాని మోదీ..ఇది తమిళనాడు పోలీసులు చేస్తున్న హింస అంటూ వీడియోలో చెప్ప‌డం గ‌మ‌న‌ర్హం.
Read Today's Latest Cinema News in Telugu and Telugu News
- Follow Us :
-
